Nýtt myndband frá Ásgeiri Trausta undir áhrifum Tarantino

Tónlistarmaðurinn Ásgeir Trausti hefur sent frá sér nýtt myndband við lagið Pictures og var það frumsýnt í dag.

Lagið verður á næstu plötu Ásgeirs sem kemur út þann 7. febrúar og ber heitið Bury The Moon.

Það var Einar Egilsson sem leikstýrði myndbandinu sem tekið er upp á Íslandi.

Ásgeir var í viðtali á vefnum BlackBook í dag þar sem hann segir frá myndbandinu og nefnir meðal annars að það sé undir áhrifum frá myndum Quentin Tarantino.

Hér að neðan má sjá þetta glænýja myndband Ásgeirs.