Rólegt vetrarveður í kortunum

Það er spáð frekar rólegu vetrarveðri næstu daga að því er fram kemur í hugleiðingum veðurfræðings á vef Veðurstofu Íslands.

Þar segir að það verði snjókoma eða él sunnan til í dag en fyrir norðan og austan á morgun. Frost verður víða 0 til 5 stig en sums staðar frostlaust við sjávarsíðuna.

„Engar veðurviðvaranir eru í gildi í bili, en menn eru hvattir til að fara varlega enda hált á vegum úti og lítið skyggni í ofankomu. Ferðalangar ættu að kanna vel ástand vega og veðurspár áður en haldið er af stað,“ segir í hugleiðingum veðurfræðings.

Veðurhorfur á landinu:

Suðaustlæg átt, víða 5-13 m/s, en sums staðar hvassara syðst. Él eða dálítil snjókoma á um landið sunnanvert, en annars skýjað með köflum og úrkomulítið.

Norðaustlæg átt í nótt og á morgun, víða 8-13 og dálítil snjókoma eða él, en bjartviðri suðvestan til. Frostlaust við sjávarsíðuna, en frost annars 1 til 12 stig, mest í innsveitum norðaustan til.

Á þriðjudag:

Norðaustan 8-13 m/s og víða él, en bjart með köflum sunnan og vestan lands. Frost 0 til 5 stig.

Á miðvikudag:

Norðaustlæg átt og él norðan lands, en yfirleitt bjartviðri sunnan heiða. Frost víða 0 til 5 stig.

Á fimmtudag og föstudag:

Norðlæg átt með snjókomu eða éljum á N-verðu landinu, en bjartviðri syðra. Kólnandi veður.