Keppandi númer 2 í Tinderlauginni svarar fyrir sig

Arnar Hjaltested tók á dögunum þátt í stefnumótaþættinum Tinderlaugin og var hann keppandi númer 2. Töluverð umræða skapaðist á samfélagsmiðlum og hegðun hans í þættinum og mætti Arnar því í spjallþáttinn Tala Saman á Útvarp 101 og ræddi við þau Jóhann Kristófer og Lóu Björk um þátttöku sína í þættinum.

Hér fyrir neðan má lesa það helsta úr þættinum en hægt er að kynna sér málið enn nánar á vef Útvarps 101.

„Þetta var bara eitthvað leikrit en ég hefði verið til í að fá minna diss fyrir peysuna hennar mömmu,“ sagði Arnar í þættinum.

„Ég prjónaði aðeins yfir mig og viðurkenni það alveg,“ segir Arnar sem lét keppanda númer 3 heldur betur heyra það í þáttunum.

„Hann fékk afsökunarbeiðni frá mér strax eftir þátt,“ segir Arnar. Umræddur þáttur var í raun og veru skipt upp í tvennt, fyrri hluti og seinni. Athygli vakti að þegar seinni þátturinn fór í lofti var kominn inn nýr keppandi númer 1. Það var í raun og veru gert þar sem maðurinn sem sat í þeim stól í fyrri hlutanum var orðinn of drukkinn.

„Hann hvarf bara. Ég sá bara einhverja ælu fyrir utan hurðina þegar ég labbaði út. Þetta var eiginlega bara Sönn íslensk sakamál, þáttur 20.“

Hlustendur Tala Saman fengu að senda inn spurningar og svaraði Arnar þeim vel og vandlega. Hér að neðan má hlusta á viðtalið í heild sinni.

Hér að neðan má sjá þættina báða.