Messi og Suarez á Ibiza en Pique sagður á Íslandi

Leikmenn Barcelona eru komnir í stutt frí eftir að spænska úrvalsdeildin kláraðist. Þeir hlaða batteríin fyrir Meistaradeildina.

Messi og Suarez fóru með fjölskyldurnar til Ibiza en deildin kláraðist um síðustu helgi. Báðir tóku þeir börnin með og gista á lúxushóteli á Ibiza.

Það eru ekki bara Messi og Suarez sem hafa farið erlendis í smá frí en bæði Gerard Pique og Marc-Andre ter Stegen eru báðir sagðir erlendis í fríi.

Það sem meira er að Pique er sagður vera í fríi á íslandi samkvæmt Mundo Deportivo. Hlaðvarpið Dr. Football greindi einnig frá því að Pique hafi verið í Bláa Lóninu í gær.

Barcelona endaði í 2. sæti spænsku úrvalsdeildarinnar. Vonbrigðartímabil þar á bæ en þeir mæta Napoli í 8-liða úrslitum Meistaradeildarinnar. Staðan er 1-1 eftir fyrri leikinn en síðari leikurinn fer fram í Barcelona.