Stór­kost­leg stoð­sending Benzema | Mynd­band

Karim Benzema hefur verið heitur frá því að spænski boltinn fór aftur að rúlla eftir hléið vegna kórónuveirunnar og hann hélt uppteknum hætti í gær.

Frakkinn lagði upp eina mark Real Madrid í 1-0 útisigri á Espanyol en stoðsendingin var ansi smekkleg með hælnum. Madrídingar því með tveggja stiga forystu á toppnum.

Eftir að fótboltinn fór aftur af stað á Spáni hefur Benzema skorað þrjú mörk og lagt upp eitt mark en Real hefur unnið alla fimm leikina eftir kórónuveiruhléið.

Þeir byrjuðu á 3-1 sigri á Eibar og fylgdu því á eftir með 3-0 sigri á Valencia. Þeir höfðu svo betur á útivelli 1-2 gegn Real Sociedead áður en Mallorca voru lagðir af velli, 2-0. Í gær unnu þeir svo nauman sigur á Espanyol eins og áður segir.