Herferð UNICEF á Íslandi tilnefnd til alþjóðlegra verðlauna

Herferðin STÖÐVUM FELULEIKINN sem unnin var fyrir UNICEF árið 2019 hefur verið tilnefnd til alþjóðlegra verðlauna innan samtakanna. Ár hvert horfir UNICEF yfir allar herferðir sínar á heimsvísu og verðlaunar í nokkrum flokkum. STÖÐVUM FELULEIKINN er tilnefnd í flokknum „Integrated campaigns and events“ og sjá landsnefndir og landsskrifstofur um allan heim um að úrskurða um sigurvegara. Sigurvegarar verða tilkynntir þann 18. júní á Skill Share-ráðstefnu UNICEF sem að þessu sinni verður haldin sem fjarráðstefna yfir alnetið.