Græða miklu meira en milljarð á leikmanni sem spilaði aldrei fyrir félagið

Chelsea mun græða heilmikinn pening þegar félagið selur króatíska miðjumanninn Mario Pasalic til ítalska félagsins Atalanta.

Stuðningsmenn Chelsea þekkja örugglega ekki mikið til þessa leikmanns því á sex árum hefur hann aldrei spilað fyrir Chelsea.

Chelsea lánaði hann fyrst til spænska félagsins Elche og svo hefur hann farið á láni til liða eins og Monaco, AC Milan og Spartak Moskva.

Hinn 25 ára gamli Mario Pasalic fann sér hins vegar samastað hjá Atalanta á Ítalíu.

Atalanta fékk Pasalic á láni frá Chelsea fyrir núverandi tímabil og hann hefur blómstrað hjá félaginu. Ítalska félagið ætlar nú að nýta sér möguleikann í samningnum á að kaupa miðjumanninn. Hann hefur skorað 7 mörk í 32 leikjum fyrir Atalanta á leiktíðinni.

Chelsea keypti Mario Pasalic ári 2014 frá Hajduk Split fyrir í kringum þrjár milljónir punda. Nú þarf Atalanta að kaupa á hann á fimmtán milljónir evra.

Chelsea mun því hagnaðist um tíu milljónir punda, yfir 1,6 milljarð íslenskra króna, á leikmanni sem spilaði aldrei leik fyrir félagið.