Namibísk yfirvöld leita til Interpol vegna Samherjaskjalanna

Yfirvöld í Namibíu hafa óskað eftir aðstoð alþjóðalögreglunnar Interpol við rannsókn á málinu um Samherjaskjölin. Rannsóknin teygir anga sína til níu landa en yfirvöld í Namibíu óska eftir liðsinni Interpol í öllum níu löndunum en Ísland er þar á meðal.

Namibíski miðillinn Informanté greinir frá beiðni namibískra yfirvalda en RÚV sagði fyrst frá innlendra miðla. 

Ólafur Þór Hauksson, héraðssaksóknari, segir í samtali við fréttastofu RÚV að embættið hefði átt í samskiptum við Interpol en vildi ekki nánar ofan í saumana á því sem fólst í samvinnunni.

Mennirnir sex sem hafa verið ákærðir í málinu verða ekki látnir lausir á meðan rannsókn málsins stendur. Dómari hefur fyrirskipað að þeir verði áfram í haldi lögreglu þar til málið verður tekið fyrir í haust, nánar tiltekið 28. ágúst.