Níu ís­­lensk mörk í fimmta deildar­­sigri Kristian­stad í röð og Aron Dagur á toppnum

Kristianstad heldur áfram sínu góða skriði í sænska handboltanum en í kvöld unnu þeir fjögurra marka sigur á Malmö, 22-18.

Ekki var mikið skorað í fyrri hálfleiknum. Heimamenn í Malmö voru 8-7 yfir í hálfleik en í síðari hálfleik gengu gestirnir á lagið og unnu að lokum.

Ólafur Guðmundsson gerði fimm mörk og Teitur Örn Einarsson fjögur en með sigrinum er Kristianstad í 4. sæti deildarinnar með 22 stig.

Aron Dagur Pálsson skoraði eitt mark er Alingsås vann fimmtán marka sigur á Eskilstuna, 34-29, eftir að hafa verið 19-15 yfir í hálfleik.

Alingsås er á toppi deildarinnar með 30 stig.