Mikael kom Mid­tjylland á bragðið í endur­komu­sigri | Með fjögurra stiga for­skot á FCK

Mikael Anderson heldur áfram að gera það gott í Danmörku en hann skoraði eitt marka Midtjylland í 2-1 sigri á Randers í dönsku úrvalsdeildinni í dag.

Fyrri hálfleikur var leiðinlegur en Randers komst yfir á 54. mínútu eftir darraðadans eftir hornspyrnu.

Sú forysta stóð ekki lengi yfir því fjórum mínútum síðar jafnaði Mikael metin eftir fyrirgjöf Awer Mabil.

#FCMRFC#sldkpic.twitter.com/Sbvia8F97K

— FC Midtjylland (@fcmidtjylland) October 21, 2019

Sigurmarkið skoraði svo Jens-Lys Cajuste en skot hans fór af varnarmanni Randers og í netið. Lokatölur 2-1.

Mikael og Midtjylland eru á toppi deildarinnar með fjögurra stiga forskot á dönsku meistaranna í FCK.