Sean Dyche stað­festir að Jóhann Berg verði í nokkrar vikur á meiðsla­listanum

Sean Dyche, stjóri Burnley, staðfesti á blaðamannafundi í morgun að Jóhann Berg Guðmundsson verði frá í nokkrar vikur vegna meiðsla.

Jóhann Berg fór meiddur af velli eftir stundarfjórðung í leik Íslands gegn Frakklandi á föstudagskvöldið.

Strax var óttast um að meiðslin gætu haldið Jóhanni frá keppni um tíma og Dyche staðfesti í morgun að um vöðvatognun í læri væri um að ræða.

SD confirms that JBG faces “weeks” out with a serious hamstring injury suffered on international duty.

Late decisions will be made on the fitness of Jack Cork (shoulder) and Ashley Barnes (groin).

— Burnley FC (@BurnleyOfficial) October 17, 2019

Dyche sagði að hann yrði á meiðslalistanum í nokkrar vikur en ekki er kominn dagsetning á hvenær Jóhann er væntanlegur til baka.

Íslenska landsliðið spilar tvo mikilvæga leiki í nóvember gegn Tyrklandi og Moldóvu en óvíst er hvort að Jóhann Berg verði orðinn tilbúinn í þá leiki.