Fótbolti

Sir Alex Ferguson hjálpaði enska landsliðinu í rúgbí

Anton Ingi Leifsson skrifar
Skotinn Ferguson kom Englandi til hjálpar.
Skotinn Ferguson kom Englandi til hjálpar. vísir/getty
Eddie Jones, þjálfari enska rúgbílandsliðsins, þakkaði Sir Alex Ferguson eftir sigur liðsins á konungsríkinu Tonga á HM í rúgbí.

Það var allt jafnt er þrjár mínútur voru eftir en góður endasprettur tryggði Englendingum sigur og Jones segir að það sé Sir Alex að þakka.

Fyrrum stjóri Manchester United heimsótti liðið í æfingabúðum í Bristol fyrir mótið og Skotinn hjálpaði liðinu mikið.

„Þegar þú færð frábært fólk inn þá hefur það áhrif. Eitt af því sem lið Ferguson voru þekkt fyrir var „Fergie tíminn“ og hann sagði okkur að vera þolinmóðir,“ sagði Eddie eftir leikinn í gær.

„Það var það sem ég hafði gaman að í gær. Það voru engin læti, þeir héldu áfram að spila gott rúgbí og þetta kom svo.“







Maro Itoje, einn leikmaður landsliðsins sem heldur með Arsenal, segir að Ferguson hafi fengið hann til þess að gráta nokkrum sinnum í gegnum tíðina en hrósaði honum eftir heimsóknina.

„Hann labbaði inn í herbergið og allir gleyptu þetta í sig. Hans skilaboð til okkar voru að þegar þú kemst í gott færi geturu komist í enn betra færi til þess að skora.“

Íþróttir

Mest lesið


Fleiri fréttir

Sjá meira


×

Mest lesið