Má ekki spila með 30 milljón króna úr í NFL-deildinni

NFL-stjarnan Odell Beckham Jr. hjá Cleveland Browns hóf leiktíðina á því að spila gegn Tennessee með úr sem kostar rúmar 30 milljónir króna.

Þetta var appelsínugult úr hannað af Richard Mille. Úrið hjálpaði honum lítið því liðið hans skíttapaði, 43-13.

If ain’t one thing.... it’s another...

— Odell Beckham Jr (@obj) September 10, 2019

Leikmenn í NFL-deildinni mega spila með skartgripi en ekki harða hluti eins og armbandsúr.

Þjálfari Cleveland, Freddie Kitchens, sagðist ekki hafa hugmynd um að Beckham hefði spilað með þetta úr en bætti við að liðið færi að sjálfsögðu eftir því sem deildin segði þeim að gera.