Enski boltinn

Jeremy Clarkson og Maddison í hár saman: „Get talið á fingrum annarrar handar hversu margar klippingar þú átt eftir“

Anton Ingi Leifsson skrifar
Maddison í leiknum í gær.
Maddison í leiknum í gær. vísir/getty
Sjónvarpsmaðurinn Jeremy Clarkson og knattspyrnumaðurinn James Maddison áttust við í athyglisverðri rimmu á samskiptamiðlinum Twitter í gær.

Þetta byrjaði allt með því að Jeremy Clarkson, sem er þekktastur fyrir að stjórna bílaþáttunm Top Gear, skaut á frammistöðu Maddison í leik Leicester og Chelsea.

Clarkson, sem er ekki þekktur fyrir að liggja á skoðunum sínum, sagði að Maddison væri of lengi hjá rakaranum en eyddi ekki nægilega miklum tíma í að æfa fótbolta.







Maddison var ekki lengi að svara eftir leikinn í gær en Maddison sagði Clarkson einfaldlega að hann ætti að einbeita sér að bílum.

Hann bætti svo við að hann gæti talið á fingrum annarar handar hversu margar klippingar Clarkson ætti eftir. Fast skotið.







Maddison var frábær á síðustu leiktíð og var einn besti leikmaður Leicester en hann spilaði allan leikinn í 1-1 jafntefli Leicester gegn Chelsea á útivelli í gær.

Leicester er með tvö stig eftir fyrstu tvo leikina í ensku úrvalsdeildinni.

Enski boltinn

Tengdar fréttir

Mest lesið


Fleiri fréttir

Sjá meira


×

Mest lesið