Nýr kóngur frá Kólumbíu Benedikt Bóas skrifar 30. júlí 2019 23:15 Egan Bernal og félagi hans frá Team Ineos, Geraint, Thomas sem vann keppnina í fyrra leiðast hér yfir endamarkið. NordicPhotos/Getty Egan Bernal, 22 ára Kólumbíumaður, kom sá og sigraði í Tour de France sem lauk á sunnudag. Þetta er fyrsti sigur Kólumbíumanna í þessari erfiðustu hjólreiðakeppni heims. Kólumbíumenn hafa lengi átt góða hjólreiðamenn en sá fyrsti, Cochise Rodriguez, tók þátt árið 1975. Síðan hefur landið margoft fagnað alls konar sigrum á dagleiðum en aldrei hefur Kólumbíumaður endað í gulu treyjunni. Þrír á topp tíu í ár voru frá Kólumbíu. Bernal kom í mark á undan sigurvegara síðasta árs og liðsfélaga sínum Geraint Thomas, sem varð annar. „Egan er framtíðin. Þegar ég verð 45 ára og sit á pöbbnum að horfa á hann vinna sinn tíunda Tour de France titil get ég sagt að ég kenndi honum allt sem hann kann. Það er allt í lagi að enda fyrir aftan hann,“ sagði Thomas léttur eftir keppnina.Bernal beygði af nokkrum sinnum þegar hann hélt sigurræðu sína.Bernal var einni mínútu og 11 sekúndum á undan Thomas og Hollendingurinn Steven Kruijswijk var 20 sekúndum seinni. Þetta er í sjöunda skipti sem hjólreiðakappi úr þessu liði vinnur Tour de France en það hét áður Team Sky áður en Íslandsvinurinn Jim Ratcliffe keypti það og breytti því í Team Ineos. Bernal er sérfræðingur í klifri og því kom hjólreiðasérfræðingum sigur hans ekkert sérstaklega mikið á óvart. Hann var jú í góðri stöðu áður en kapparnir lögðu af stað upp Alpana sem er hans sérgrein. Hann gekk í raðir Team Sky árið 2018 eftir að hafa heillað marga með sigrum sínum í Tour Colombia og Tour of California. Hann átti að leiða lið Ineos í ítölsku keppninni, Giro d’Italia, en meiddist í Andorra. Fyrrverandi sigurvegari Tour de France, Chris Froome, meiddist svo í júní og þá var komið að Egan að láta ljós sitt skína.Þrír sigurvegarar í sama liði Bernal er þriðji yngsti sigurvegari keppninnar frá upphafi. Henri Cornet var aðeins 19 ára þegar hann vann keppnina árið 1904 og Francois Faber var nokkrum dögum yngri en Bernal þegar hann hampaði titlinum árið 1909. Flestir eru sammála um að ef ætti að búa til góðan hjólreiðamann myndi hann hjóla eins og Bernal. Hann beið þolinmóður fyrir aftan fremstu menn í hartnær þrjár vikur og í þunnu lofti Alpanna kom hann, sá og sigraði, sem þykir þroskað miðað við að kappinn er jú aðeins 22 ára. „Í dag er ég hamingjusamasti maður í veröldinni. Ég trúi þessu varla. Takk Gee fyrir þetta,“ sagði Bernal meðal annars í sigurræðu sinni. Tilfinningarnar báru hann ofurliði nokkrum sinnum og gerði hann hlé á ræðu sinni meðan hann þurrkaði tárin.Kólumbíumenn flykktust út á götur Frakklands til að hvetja sinn mann áfram. Í fjölmiðlum þar var þetta kallað guli draumurinn.Team Ineos er Real Madrid hjólreiðanna og margir sérfræðingar úti í hinum stóra heimi spáðu og spekúleruðu hvernig í ósköpunum liðið ætlaði að hafa þrjá sigurvegara Tour de France á sinni skrá. Froome er vissulega 35 ára en vill, miðað við tístin hans í vikunni, vinna sína fimmtu gulu treyju. Thomas hefur ekki sagt sitt síðasta og Bernal er rétt að byrja. Keppnin í ár hefur nánast boðið upp á allt. Meira að segja aurskriðu. Eftir mikla tiltekt innan hjólreiðanna þá var eitthvað í loftinu. Samkvæmt Financial Times hefur aldrei verið horft jafn mikið á Tour de France. Áhorfendur flykktust út á göturnar og keppnin minnti stundum á fótboltaleik – slík voru lætin. Og dramað og hversu mjótt var á mununum hefur glatt marga. Þá birtust lyfjaeftirlitsmenn á stundum þegar enginn átti von á þeim og ekki hafa enn borist fréttir af því að hjólreiðamenn hafa fallið á lyfjaprófi. Slíkt er jákvætt fyrir íþróttina sem heftur haft lyfjaskugga yfir sér í alltof mörg ár. Birtist í Fréttablaðinu Frakkland Hjólreiðar Kólumbía Mest lesið Fimm ástæður þess að Ísland vinni EM Fótbolti „Auðvitað á þetta að vera svona hjá KSÍ líka“ Fótbolti Biðla til FIFA um að hætta við miðdagsleiki af ótta við hita Fótbolti City úr leik eftir sjö marka spennutrylli gegn Al-Hilal Fótbolti Efaðist en lagði allt í sölurnar fyrir EM: „Mörg gleðitár“ Fótbolti „Ef þú vilt ekki vera hérna, farðu bara“ Fótbolti Opnaði Instagram og sá að hún væri á leiðinni á EM í Sviss Fótbolti Bonmatí komin til móts við spænska landsliðið Fótbolti EM í dag: Ánægjuleg truflun og þungu fargi létt Fótbolti Hefur haldið hreinu oftast allra og nálgast leikjametið Fótbolti Fleiri fréttir Hræddist áhorfanda á Wimbledon: „Kannski er hann með hníf“ Orðnar vanar hitanum án loftkælingar en fannst rigningin góð Ætla skrefinu lengra: „Menn muna þá tilfinningu vel“ EM í dag: Ánægjuleg truflun og þungu fargi létt Opnaði Instagram og sá að hún væri á leiðinni á EM í Sviss Hefur haldið hreinu oftast allra og nálgast leikjametið „Ef þú vilt ekki vera hérna, farðu bara“ „Auðvitað á þetta að vera svona hjá KSÍ líka“ Bonmatí komin til móts við spænska landsliðið Efaðist en lagði allt í sölurnar fyrir EM: „Mörg gleðitár“ City úr leik eftir sjö marka spennutrylli gegn Al-Hilal Fimm ástæður þess að Ísland vinni EM Dagskráin í dag: Hafnaboltinn á sviðið Biðla til FIFA um að hætta við miðdagsleiki af ótta við hita Markaregn og þrenna er ÍA vann botnslaginn Gáttaðir á ótrúlegu skoti: „Yrði dæmt á þetta í blakinu“ Fluminense sendi Inter heim Einn sá besti í heimi óvænt úr leik í fyrstu umferð Sænsk landsliðskona til Grindavíkur Arnór lagði upp og dramatískur sigur lærisveina Freys UEFA frestar ákvörðuninni og Evrópusætið enn í óvissu Víkingar krækja í Óskar Borgþórs frá Sogndal Læra af reynslunni og leyfa vatnspásur í hitanum á Wimbledon Teflt í skjóli móbergsveggja í Laugarvatnshellum „Ég er mjög sátt og þið verðið bara að bíða spennt“ Annað áfall fyrir andstæðinga Íslands Skellihlegið í Stúkunni: Svipuð nærvera og þegar Bjössi hitti Karabatic í Lindex Fimmtán daga dómi Ingebrigtsen verður ekki áfrýjað Karólína Lea sögð skrifa undir hjá Inter á næstu dögum Þjálfari Botafogo látinn fara Sjá meira
Egan Bernal, 22 ára Kólumbíumaður, kom sá og sigraði í Tour de France sem lauk á sunnudag. Þetta er fyrsti sigur Kólumbíumanna í þessari erfiðustu hjólreiðakeppni heims. Kólumbíumenn hafa lengi átt góða hjólreiðamenn en sá fyrsti, Cochise Rodriguez, tók þátt árið 1975. Síðan hefur landið margoft fagnað alls konar sigrum á dagleiðum en aldrei hefur Kólumbíumaður endað í gulu treyjunni. Þrír á topp tíu í ár voru frá Kólumbíu. Bernal kom í mark á undan sigurvegara síðasta árs og liðsfélaga sínum Geraint Thomas, sem varð annar. „Egan er framtíðin. Þegar ég verð 45 ára og sit á pöbbnum að horfa á hann vinna sinn tíunda Tour de France titil get ég sagt að ég kenndi honum allt sem hann kann. Það er allt í lagi að enda fyrir aftan hann,“ sagði Thomas léttur eftir keppnina.Bernal beygði af nokkrum sinnum þegar hann hélt sigurræðu sína.Bernal var einni mínútu og 11 sekúndum á undan Thomas og Hollendingurinn Steven Kruijswijk var 20 sekúndum seinni. Þetta er í sjöunda skipti sem hjólreiðakappi úr þessu liði vinnur Tour de France en það hét áður Team Sky áður en Íslandsvinurinn Jim Ratcliffe keypti það og breytti því í Team Ineos. Bernal er sérfræðingur í klifri og því kom hjólreiðasérfræðingum sigur hans ekkert sérstaklega mikið á óvart. Hann var jú í góðri stöðu áður en kapparnir lögðu af stað upp Alpana sem er hans sérgrein. Hann gekk í raðir Team Sky árið 2018 eftir að hafa heillað marga með sigrum sínum í Tour Colombia og Tour of California. Hann átti að leiða lið Ineos í ítölsku keppninni, Giro d’Italia, en meiddist í Andorra. Fyrrverandi sigurvegari Tour de France, Chris Froome, meiddist svo í júní og þá var komið að Egan að láta ljós sitt skína.Þrír sigurvegarar í sama liði Bernal er þriðji yngsti sigurvegari keppninnar frá upphafi. Henri Cornet var aðeins 19 ára þegar hann vann keppnina árið 1904 og Francois Faber var nokkrum dögum yngri en Bernal þegar hann hampaði titlinum árið 1909. Flestir eru sammála um að ef ætti að búa til góðan hjólreiðamann myndi hann hjóla eins og Bernal. Hann beið þolinmóður fyrir aftan fremstu menn í hartnær þrjár vikur og í þunnu lofti Alpanna kom hann, sá og sigraði, sem þykir þroskað miðað við að kappinn er jú aðeins 22 ára. „Í dag er ég hamingjusamasti maður í veröldinni. Ég trúi þessu varla. Takk Gee fyrir þetta,“ sagði Bernal meðal annars í sigurræðu sinni. Tilfinningarnar báru hann ofurliði nokkrum sinnum og gerði hann hlé á ræðu sinni meðan hann þurrkaði tárin.Kólumbíumenn flykktust út á götur Frakklands til að hvetja sinn mann áfram. Í fjölmiðlum þar var þetta kallað guli draumurinn.Team Ineos er Real Madrid hjólreiðanna og margir sérfræðingar úti í hinum stóra heimi spáðu og spekúleruðu hvernig í ósköpunum liðið ætlaði að hafa þrjá sigurvegara Tour de France á sinni skrá. Froome er vissulega 35 ára en vill, miðað við tístin hans í vikunni, vinna sína fimmtu gulu treyju. Thomas hefur ekki sagt sitt síðasta og Bernal er rétt að byrja. Keppnin í ár hefur nánast boðið upp á allt. Meira að segja aurskriðu. Eftir mikla tiltekt innan hjólreiðanna þá var eitthvað í loftinu. Samkvæmt Financial Times hefur aldrei verið horft jafn mikið á Tour de France. Áhorfendur flykktust út á göturnar og keppnin minnti stundum á fótboltaleik – slík voru lætin. Og dramað og hversu mjótt var á mununum hefur glatt marga. Þá birtust lyfjaeftirlitsmenn á stundum þegar enginn átti von á þeim og ekki hafa enn borist fréttir af því að hjólreiðamenn hafa fallið á lyfjaprófi. Slíkt er jákvætt fyrir íþróttina sem heftur haft lyfjaskugga yfir sér í alltof mörg ár.
Birtist í Fréttablaðinu Frakkland Hjólreiðar Kólumbía Mest lesið Fimm ástæður þess að Ísland vinni EM Fótbolti „Auðvitað á þetta að vera svona hjá KSÍ líka“ Fótbolti Biðla til FIFA um að hætta við miðdagsleiki af ótta við hita Fótbolti City úr leik eftir sjö marka spennutrylli gegn Al-Hilal Fótbolti Efaðist en lagði allt í sölurnar fyrir EM: „Mörg gleðitár“ Fótbolti „Ef þú vilt ekki vera hérna, farðu bara“ Fótbolti Opnaði Instagram og sá að hún væri á leiðinni á EM í Sviss Fótbolti Bonmatí komin til móts við spænska landsliðið Fótbolti EM í dag: Ánægjuleg truflun og þungu fargi létt Fótbolti Hefur haldið hreinu oftast allra og nálgast leikjametið Fótbolti Fleiri fréttir Hræddist áhorfanda á Wimbledon: „Kannski er hann með hníf“ Orðnar vanar hitanum án loftkælingar en fannst rigningin góð Ætla skrefinu lengra: „Menn muna þá tilfinningu vel“ EM í dag: Ánægjuleg truflun og þungu fargi létt Opnaði Instagram og sá að hún væri á leiðinni á EM í Sviss Hefur haldið hreinu oftast allra og nálgast leikjametið „Ef þú vilt ekki vera hérna, farðu bara“ „Auðvitað á þetta að vera svona hjá KSÍ líka“ Bonmatí komin til móts við spænska landsliðið Efaðist en lagði allt í sölurnar fyrir EM: „Mörg gleðitár“ City úr leik eftir sjö marka spennutrylli gegn Al-Hilal Fimm ástæður þess að Ísland vinni EM Dagskráin í dag: Hafnaboltinn á sviðið Biðla til FIFA um að hætta við miðdagsleiki af ótta við hita Markaregn og þrenna er ÍA vann botnslaginn Gáttaðir á ótrúlegu skoti: „Yrði dæmt á þetta í blakinu“ Fluminense sendi Inter heim Einn sá besti í heimi óvænt úr leik í fyrstu umferð Sænsk landsliðskona til Grindavíkur Arnór lagði upp og dramatískur sigur lærisveina Freys UEFA frestar ákvörðuninni og Evrópusætið enn í óvissu Víkingar krækja í Óskar Borgþórs frá Sogndal Læra af reynslunni og leyfa vatnspásur í hitanum á Wimbledon Teflt í skjóli móbergsveggja í Laugarvatnshellum „Ég er mjög sátt og þið verðið bara að bíða spennt“ Annað áfall fyrir andstæðinga Íslands Skellihlegið í Stúkunni: Svipuð nærvera og þegar Bjössi hitti Karabatic í Lindex Fimmtán daga dómi Ingebrigtsen verður ekki áfrýjað Karólína Lea sögð skrifa undir hjá Inter á næstu dögum Þjálfari Botafogo látinn fara Sjá meira