Fann atómskáld í unglingavinnunni Stefán Ó. Jónsson skrifar 12. júlí 2019 08:45 Fannar Ingi Friðþjófsson og Jökull Breki Arnarson þar sem þeim líður best, á Álftanesi. Vísir/vilhelm Markmið tvíeykisins Hipsumhaps, sem gaf út sitt fyrsta lag á miðnætti, er að „sökka ekki.“ Tvíeykið skipa Fannar Ingi Friðþjófsson og Jökull Breki Arnarson, tveir Álftnesingar á þrítugsaldri, sem virðast báðir vera með nokkuð miðaldra drauma ef marka má yrkisefni lagsins - sem heyra má hér að neðan. Það er þó ekki aðeins textinn sem er eftirtektarverður, heldur geta glöggir hlustendur heyrt nið hinnar umdeildu Álftaneslaugar í laginu. „Þeirri sem setti bæjarfélagið á hausinn,“ eins og Jökull kemst að orði. Lagið ber heitið „Lífið sem mig langar í (LSMLÍ)“ og er óhætt að segja að það beri nafn með rentu. „Eignast tvö-þrjú börn, senda stelpuna í Vindáshlíð“ og pallbílar með hestakerru aftan í, það er draumurinn að sögn Fannars Inga. Textann segist hann hafa samið fyrir tveimur árum, þegar hann var peningalaus einstæðingur á leigumarkaði.„Þegar ég var 10 ára hélt að ég að þetta væru allt sjálfsagðir hlutir á fullorðinsárunum. Maður hugsaði: „Þegar ég verð stór mun ég eiga stóran bíl, hús, hest og konu.“ Síðan eldist maður og áttar sig á því að þetta er ógeðslega mikið bras. Það má því segja að lagið sé óður til barnalegra hugmynda um að maður geti verið rúmlega tvítugur með allt á hreinu,“ segir Fannar. Þannig eigi fólk til að setja sig á tímalínu og ætla sér að ná ákveðnum áföngum fyrir ákveðinn tíma, það ber árangurinn svo saman við næsta mann - til þess eins að verða fyrir vonbrigðum með sjálft sig. Lagið sé hins vegar mótefni við því, það rætist úr öllum sem gefast ekki upp. „Þannig er þetta virðingarvottur við þá sem vita ekki hvað þeir vilja gera við líf sitt og eru að gera sitt besta - en um leið viðurkenning á því að enginn veit nákvæmlega hvernig hlutirnir þróast.“Drengirnir sitja á átta öðrum lögum sem þeir vona að líta muni ljós á næstu mánuðum. Framtíðin sé þó óráðin, eins og fyrsta lag þeirra ber með sér.Vísir/VilhelmFlokkur forvitnilegra nafna Tilvist Hipsumhaps sé ekki síst grundvölluð á slíkri tilviljun. Þeir Fannar og Jökull kynntust í vinnuskólanum sumarið 2013, þar sem Fannar var flokkstjóri og fékk það hlutverk að skipa í flokkinn sinn. „Ég tók þá stefnu að velja aðeins þá sem voru með frumlegustu nöfnin. Jökull Breki var því sjálfvalinn, enda grunaði mig að maður með slíkt nafn gæti ekki verið annað en eitthvað atómskáld,“ segir Fannar. Flokksstjórinn reyndist nokkuð sannspár. Á næstu árum átti Jökull eftir að láta til sín taka á listasviðinu. Hann innritaði sig í Verzló og tók tónlistarlífið þar með trompi; sigraði bæði tónsmíða- og söngvakeppnina, steig á svið í Nemendamótinu og dældi út slögurum með Rjómanum þar sem hann ýmist söng, samdi eða hljóðblandaði. Síðan þá hefur Jökull komið að ýmsum tónlistartengdum verkefnum, eins og báðum plötum hins vinsæla Flóna.Það er þó ekki þar með sagt að Jökli hafi verið ætlað að fara tónlistarleiðina í lífinu. Þvert á móti segir hann að það hafi komið skólasystkinum sínum á óvart að hann gæti yfirhöfuð eitthvað í þessum efnum. Það megi því í raun segja að þetta sé samstarf tveggja ólíklegra tónlistarmanna. Þrátt fyrir að Fannar hafi komið víða við á listasviðinu; t.a.m. í leiklist, uppistandi og auglýsingagerð, hefur tónlistargyðjan ekki vitjað hans áður. Jökull er þó ekki tilbúinn að fallast á að hann beri þetta samstarf á herðum sér. „Nei, alls ekki. Þetta er samvinnuverkefni," segir Jökull. Fannar hafi komið með hugmyndirnar sem Jökull segist síðan hafa útsett.Töffaragrímur og viðkvæm hjörtu „Ég hef alltaf haft háan staðal þegar kemur að hljóðblöndun og upptöku,“ segir Jökull og ekki þarf að leita langt til að finna sannanir þess. Sem fyrr segir má heyra niðinn í Álftaneslaug í fyrsta lagi Hipsumhaps, dýrari staðlar eru líklega vandfundnir. Að sama skapi segir Jökull að þeir hafi setið á laginu frá því síðasta sumar en nýtt tímann til að betrumbæta það og gera lagið útvarpsvænt. Nú sé það orðið aðgengilegt - Jökull fellst á að það sé jafnvel orðið Léttbylgjulegt. Jökull og Fannar hafa lagt grunninn að átta öðrum lögum sem þeir vonast til að geta smokrað út á næstu mánuðum. Þeir segja lögin þó ekkert endilega í anda „Lífsins sem þá langar í“ enda sæki þeir innblástur víða, allt frá Reiðmönnum vindanna til rafsveitarinnar XX, eins og nafnið Hipsumhaps gefur til kynna. Sé eitthvað sem sameini lögin þá eru það erfiðar tilfinningar, ástarævintýri sem fjari út, sem þeir reyni að vinna uppbyggilega úr með lagasmíðinni. Þeir, eins og svo margir aðrir tónlistarmenn, skarti töffaragrímum yfir viðkvæmum hjörtum. Þeir segjast ætla að nýta næstu mánuði til að leggja lokahönd á lögin, með „ómetanlegri aðstoð“ frá Magnúsi Jóhanni Ragnarssyni, Arnari Inga Ingasyni og Styrmi Haukssyni, og vonast til að geta fylgt þeim eftir með „einlægum og geggjuðum útgáfutónleikum“ í haust. Framtíðin sé þó óráðin, eins og heyra má í frumburði Hipsumhaps. „Markmiðið er bara að sökka ekki,“ segir Fannar. Garðabær Menning Sundlaugar Mest lesið Umfjöllunin um kynjaveisluna fór fyrir brjóstið á Birgittu Lífið Símtal á lágpunkti úti í London breytti öllu Lífið Mætti á nærfötunum einum klæða Tíska og hönnun „Mig langaði að eiga vini og verða vinsæll“ Lífið „Háð því að gera hluti sem eru óþægilegir“ Lífið Listamenn skora á Samherja að falla frá málsókn gegn ODEE Lífið Íbúð við Laugaveg sem áður var bíósalur Lífið Björk byrjar kvöldið og Blawan tekur svo við Lífið Býður Taylor barn Lífið Taylor Swift jafnaði met Beyoncé á VMA Tónlist Fleiri fréttir Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Frumsýning á Vísi: „Þetta er alveg ný hlið á mér“ Börn og sjálfstæðismenn velkomin í fylgd með forráðamönnum Ghostigital þruma út nýju lagi eftir níu ár Frumsýning á Vísi: Nýdönsk á slóðum Peter Gabriel og fleiri goðsagna Sjá meira
Markmið tvíeykisins Hipsumhaps, sem gaf út sitt fyrsta lag á miðnætti, er að „sökka ekki.“ Tvíeykið skipa Fannar Ingi Friðþjófsson og Jökull Breki Arnarson, tveir Álftnesingar á þrítugsaldri, sem virðast báðir vera með nokkuð miðaldra drauma ef marka má yrkisefni lagsins - sem heyra má hér að neðan. Það er þó ekki aðeins textinn sem er eftirtektarverður, heldur geta glöggir hlustendur heyrt nið hinnar umdeildu Álftaneslaugar í laginu. „Þeirri sem setti bæjarfélagið á hausinn,“ eins og Jökull kemst að orði. Lagið ber heitið „Lífið sem mig langar í (LSMLÍ)“ og er óhætt að segja að það beri nafn með rentu. „Eignast tvö-þrjú börn, senda stelpuna í Vindáshlíð“ og pallbílar með hestakerru aftan í, það er draumurinn að sögn Fannars Inga. Textann segist hann hafa samið fyrir tveimur árum, þegar hann var peningalaus einstæðingur á leigumarkaði.„Þegar ég var 10 ára hélt að ég að þetta væru allt sjálfsagðir hlutir á fullorðinsárunum. Maður hugsaði: „Þegar ég verð stór mun ég eiga stóran bíl, hús, hest og konu.“ Síðan eldist maður og áttar sig á því að þetta er ógeðslega mikið bras. Það má því segja að lagið sé óður til barnalegra hugmynda um að maður geti verið rúmlega tvítugur með allt á hreinu,“ segir Fannar. Þannig eigi fólk til að setja sig á tímalínu og ætla sér að ná ákveðnum áföngum fyrir ákveðinn tíma, það ber árangurinn svo saman við næsta mann - til þess eins að verða fyrir vonbrigðum með sjálft sig. Lagið sé hins vegar mótefni við því, það rætist úr öllum sem gefast ekki upp. „Þannig er þetta virðingarvottur við þá sem vita ekki hvað þeir vilja gera við líf sitt og eru að gera sitt besta - en um leið viðurkenning á því að enginn veit nákvæmlega hvernig hlutirnir þróast.“Drengirnir sitja á átta öðrum lögum sem þeir vona að líta muni ljós á næstu mánuðum. Framtíðin sé þó óráðin, eins og fyrsta lag þeirra ber með sér.Vísir/VilhelmFlokkur forvitnilegra nafna Tilvist Hipsumhaps sé ekki síst grundvölluð á slíkri tilviljun. Þeir Fannar og Jökull kynntust í vinnuskólanum sumarið 2013, þar sem Fannar var flokkstjóri og fékk það hlutverk að skipa í flokkinn sinn. „Ég tók þá stefnu að velja aðeins þá sem voru með frumlegustu nöfnin. Jökull Breki var því sjálfvalinn, enda grunaði mig að maður með slíkt nafn gæti ekki verið annað en eitthvað atómskáld,“ segir Fannar. Flokksstjórinn reyndist nokkuð sannspár. Á næstu árum átti Jökull eftir að láta til sín taka á listasviðinu. Hann innritaði sig í Verzló og tók tónlistarlífið þar með trompi; sigraði bæði tónsmíða- og söngvakeppnina, steig á svið í Nemendamótinu og dældi út slögurum með Rjómanum þar sem hann ýmist söng, samdi eða hljóðblandaði. Síðan þá hefur Jökull komið að ýmsum tónlistartengdum verkefnum, eins og báðum plötum hins vinsæla Flóna.Það er þó ekki þar með sagt að Jökli hafi verið ætlað að fara tónlistarleiðina í lífinu. Þvert á móti segir hann að það hafi komið skólasystkinum sínum á óvart að hann gæti yfirhöfuð eitthvað í þessum efnum. Það megi því í raun segja að þetta sé samstarf tveggja ólíklegra tónlistarmanna. Þrátt fyrir að Fannar hafi komið víða við á listasviðinu; t.a.m. í leiklist, uppistandi og auglýsingagerð, hefur tónlistargyðjan ekki vitjað hans áður. Jökull er þó ekki tilbúinn að fallast á að hann beri þetta samstarf á herðum sér. „Nei, alls ekki. Þetta er samvinnuverkefni," segir Jökull. Fannar hafi komið með hugmyndirnar sem Jökull segist síðan hafa útsett.Töffaragrímur og viðkvæm hjörtu „Ég hef alltaf haft háan staðal þegar kemur að hljóðblöndun og upptöku,“ segir Jökull og ekki þarf að leita langt til að finna sannanir þess. Sem fyrr segir má heyra niðinn í Álftaneslaug í fyrsta lagi Hipsumhaps, dýrari staðlar eru líklega vandfundnir. Að sama skapi segir Jökull að þeir hafi setið á laginu frá því síðasta sumar en nýtt tímann til að betrumbæta það og gera lagið útvarpsvænt. Nú sé það orðið aðgengilegt - Jökull fellst á að það sé jafnvel orðið Léttbylgjulegt. Jökull og Fannar hafa lagt grunninn að átta öðrum lögum sem þeir vonast til að geta smokrað út á næstu mánuðum. Þeir segja lögin þó ekkert endilega í anda „Lífsins sem þá langar í“ enda sæki þeir innblástur víða, allt frá Reiðmönnum vindanna til rafsveitarinnar XX, eins og nafnið Hipsumhaps gefur til kynna. Sé eitthvað sem sameini lögin þá eru það erfiðar tilfinningar, ástarævintýri sem fjari út, sem þeir reyni að vinna uppbyggilega úr með lagasmíðinni. Þeir, eins og svo margir aðrir tónlistarmenn, skarti töffaragrímum yfir viðkvæmum hjörtum. Þeir segjast ætla að nýta næstu mánuði til að leggja lokahönd á lögin, með „ómetanlegri aðstoð“ frá Magnúsi Jóhanni Ragnarssyni, Arnari Inga Ingasyni og Styrmi Haukssyni, og vonast til að geta fylgt þeim eftir með „einlægum og geggjuðum útgáfutónleikum“ í haust. Framtíðin sé þó óráðin, eins og heyra má í frumburði Hipsumhaps. „Markmiðið er bara að sökka ekki,“ segir Fannar.
Garðabær Menning Sundlaugar Mest lesið Umfjöllunin um kynjaveisluna fór fyrir brjóstið á Birgittu Lífið Símtal á lágpunkti úti í London breytti öllu Lífið Mætti á nærfötunum einum klæða Tíska og hönnun „Mig langaði að eiga vini og verða vinsæll“ Lífið „Háð því að gera hluti sem eru óþægilegir“ Lífið Listamenn skora á Samherja að falla frá málsókn gegn ODEE Lífið Íbúð við Laugaveg sem áður var bíósalur Lífið Björk byrjar kvöldið og Blawan tekur svo við Lífið Býður Taylor barn Lífið Taylor Swift jafnaði met Beyoncé á VMA Tónlist Fleiri fréttir Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Frumsýning á Vísi: „Þetta er alveg ný hlið á mér“ Börn og sjálfstæðismenn velkomin í fylgd með forráðamönnum Ghostigital þruma út nýju lagi eftir níu ár Frumsýning á Vísi: Nýdönsk á slóðum Peter Gabriel og fleiri goðsagna Sjá meira