Biður móður sína og frænku afsökunar á framferði sínu

Söngvarinn Liam Gallagher hefur beðið móður sína, Peggy og frænku sína Anaïs afsökunar á að hafa dregið þær inn í illindin milli sín og bróðurs síns Noel Gallagher en frá því hefur verið greint að Gallagher hafi sent skilaboð sem túlka má sem hótanir til Anaïs sem er dóttir Noel.

Liam sendi dóttur bróðurs síns skilaboð eftir að stjúpmóðir hennar, Sara McDonald hafði kallað Gallagher feitt fífl á Instagram og greint í leiðinni frá því að hún ætlaði ekki að fylgjast með atriði hans á nýyfirstaðinni Glastonbury hátíðinni.

Skilaboðin sem Anaïs bárust voru á þá leið að Liam sagði henni að segja stjúpmóður sinni að vera mjög varkárri.

Liam hefur nú eins og áður segir beðið móður sína og frænku afsökunar á framferði sínu en ekkert bólar á afsökunarbeiðni til bróðurs síns eða mágkonu.

My sincere apologies to my beautiful mum Peggy and my lovely niece Anais for getting caught up in all of this childish behaviour I love you both dearly LG x

— Liam Gallagher (@liamgallagher) July 3, 2019