Frosin augnablik og gamlir kunningja Þórarinn Þórarinsson skrifar 8. júlí 2019 06:00 Bjarni Þór Georgsson dressaði sig heldur betur upp fyrir opnunina hjá Jóni Óskari og toppaði sjálfan listamanninn sem er yfirleitt alltaf sá langflottasti. Margt var um manninn og mikið fjör í Eyjum um helgina þegar hjónin Jón Óskar og Hulda Hákon opnuðu annars vegar einkasýningu Jóns í Eldheimum og samsýninguna Fjallið eina og önnur verk í Safnahúsinu. Jón Óskar segist í samtali við Fréttablaðið bera hlýjar og sterkar taugar til Eyja, enda er hann ættaður þaðan og þau Hulda dvelja þar mikið í leik og starfi. Bæði eru þau stór nöfn í íslenskum myndlistarheimi en Jón Óskar segir að þeim finnist Vestmannaeyjar þó síður en svo of litlar fyrir sýningarnar þeirra. „Maður er náttúrlega alltaf í höfuðborginni og mér fannst bara mjög kræsilegt að sýna hérna enda er ferðamannastraumurinn heilmikill. Það fer alveg gríðarlegur fjöldi í gegnum Eldheima þar sem einkasýningin mín er,“ segir Jón og bætir við að sýningin standi út september. „Þannig að mér finnst þetta bara frábært dæmi. Ég er líka búinn að vera hérna það lengi og mikið að mér finnst eiginlega hálfgerð þegnskylda að maður sýni fólki hérna það sem maður er að gera.“Plöstuð verk í Herjólfi Jón Óskar segir verkin á sýningunni unnin bæði í Eyjum og á vinnustofunni í Reykjavík. „Á báðum þessum sýningum er þetta oft dót sem ég fer með fram og til baka. Eitthvað sem ég byrja á hérna og klára heima eða öfugt.“ Jón Óskar á það til að leika sér á stórum strigum en hann segir verkin á sýningunum hafa hentað ágætlega í þessu ferli. „Það er voða einfalt mál að flytja þetta á milli. Maður setur bara Vitawrap-plast utan um þau og sendir með Herjólfi.“ Hulda segir að á samsýningunni ægi saman verkum á ýmsum vinnslustigum. Hún sýni afsteypur, mót og hluti sem hafa ekki orðið að neinu, í bland við fullsköpuð listaverk. Þar á meðal eru þrjú ný smáverk sem eru fjölfeldi og þar má finna Fjallið eina. „Jón Óskar sýnir eitt stórt verk sem er í vinnslu og tvö fullunnin. Þau voru unnin í samvinnu við schaefertíkina Heiðu Berlín III. Tíkin bjó til mótin. Gróf holur í fíngerða ösku Eyjafjallajökuls og Jón Óskar steypti í þær og fínpússaði.“Árni Snævarr, upplýsingafulltrúi hjá Sameinuðu þjóðunum, gerði sér ferð til Eyja til þess að skoða list Huldu Hákon og Jóns Óskars. Á milli hans og Huldu er Kristín Jóhannsdóttir, forstöðumaður EldheimaGamlar hetjur Einkasýning Jóns Óskars er sölusýning en öðru máli gegnir um hans þátt í samsýningunni. „Á sýningu okkar Huldu sýni ég verk sem eru ekki til sölu enda er ég eiginlega að sýna þar hvernig ég vinn. Þetta eru sem sagt myndir sem eru hálfkláraðar og sumar verða kannski aldrei myndir. Ég veit það ekki. Þetta er svona vinnuferli og ég er að fikta við hina og þessa panela, stilla þeim upp saman og bara svona máta mig áfram.“ Jón Óskar bætir við að sig hafi alltaf langað til að sýna „svona hluti sem mér finnst vera mjög fallegir. Ég veit hins vegar að þetta er ekki eitthvað sem fólk myndi stökkva á, sko. Þetta er eins og uppkast að einhverju.“ Hann segir Huldu vera í svipuðum pælingum að einhverju leyti en hún sé ólíkt honum með fullkláruð verk til sölu. „Þannig að hennar ferli er meira heildstætt, frá upphafi til enda, á meðan mitt er meira bara svona frosið móment í vinnsluferli. Þetta eru eiginlega abstraksjónir á meðan á samsýningunni eru í og með svona gamlar hetjur, John Wayne og Ringo Starr og eitthvað. Þessar klisjur sem ég dreg alltaf á eftir mér.“ Jón Óskar segist ætíð standa vörð um sinn mann, Ringo, þegar heitir aðdáendur fara með fjórmenningana frá Liverpool í mannjöfnuð. „Að sjálfsögðu. Maður fer ekkert ofan af því. Hann er flottastur.“ Birtist í Fréttablaðinu Myndlist Vestmannaeyjar Mest lesið Aldrei litið betur út þrátt fyrir alvarlegt slys Lífið Borðar það sem alltaf hefur verið til og léttist og léttist Lífið „Það er alveg hægt að vinna rifrildið, en þá tapar sambandið“ Makamál Opna fyrstu umboðsstofuna í eigu leikara Menning Hyggjast halda breytta Söngvakeppni á næsta ári Lífið Ein lausn er að liggja hlið við hlið og fróa sér Lífið Eignaðist alvöru pungsa með alvöru pungsa Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Fimm ár af allskonar og hamingjan er enn hér“ Lífið Einfalt og frísklegt útlit fyrir hlaupið Lífið Fleiri fréttir Eignaðist alvöru pungsa með alvöru pungsa Hyggjast halda breytta Söngvakeppni á næsta ári Aldrei litið betur út þrátt fyrir alvarlegt slys Einfalt og frísklegt útlit fyrir hlaupið Borðar það sem alltaf hefur verið til og léttist og léttist „Fimm ár af allskonar og hamingjan er enn hér“ Ný plata frá Birgi Hákoni: „Ég er ekki lengur þessi gaur nema í tónlistinni“ „Það er alveg hægt að vinna rifrildið en þá tapar sambandið“ Púsluðu sig inn í undanúrslit þrátt fyrir hremmingar Tjáir sig í fyrsta sinn um bróðurmissinn Fagnaði 35 árum í sólinni Best skipulagða geymsla landsins í glæsihúsi við Laugardalinn „Allir vonuðu að þetta yrði stelpa“ Mistök að eyða ekki meiri tíma með börnunum Göngutúr með umhverfissálfræðingi: „Árás inn í umhverfið“ og vannýttasta horn borgarinnar Kvaddi dramað og flutti fyrir ástina Selur slapp úr hvalskjafti Komo keppir á stærstu götubitakeppni í heimi Verslunarhjón selja glæsivillu í 108 Okkar eigið Ísland: Skelltu sér í slímuga laug Eitt stærsta bílabíó landsins fer fram um helgina „Það spurði þig enginn“ Mætt aftur til vinnu Ein lausn er að liggja hlið við hlið og fróa sér Fagurt einbýli í hjarta Vesturbæjar Ljúffengar vöfflur í nestisboxið Réði ekki við sig þegar hann hitti Lopez Ekki viss um að mamma hans hefði kosið hann Leyfir börnunum að sofa uppi í rúmi Smekklegasta fólk landsins skálaði í kaffi Sjá meira
Margt var um manninn og mikið fjör í Eyjum um helgina þegar hjónin Jón Óskar og Hulda Hákon opnuðu annars vegar einkasýningu Jóns í Eldheimum og samsýninguna Fjallið eina og önnur verk í Safnahúsinu. Jón Óskar segist í samtali við Fréttablaðið bera hlýjar og sterkar taugar til Eyja, enda er hann ættaður þaðan og þau Hulda dvelja þar mikið í leik og starfi. Bæði eru þau stór nöfn í íslenskum myndlistarheimi en Jón Óskar segir að þeim finnist Vestmannaeyjar þó síður en svo of litlar fyrir sýningarnar þeirra. „Maður er náttúrlega alltaf í höfuðborginni og mér fannst bara mjög kræsilegt að sýna hérna enda er ferðamannastraumurinn heilmikill. Það fer alveg gríðarlegur fjöldi í gegnum Eldheima þar sem einkasýningin mín er,“ segir Jón og bætir við að sýningin standi út september. „Þannig að mér finnst þetta bara frábært dæmi. Ég er líka búinn að vera hérna það lengi og mikið að mér finnst eiginlega hálfgerð þegnskylda að maður sýni fólki hérna það sem maður er að gera.“Plöstuð verk í Herjólfi Jón Óskar segir verkin á sýningunni unnin bæði í Eyjum og á vinnustofunni í Reykjavík. „Á báðum þessum sýningum er þetta oft dót sem ég fer með fram og til baka. Eitthvað sem ég byrja á hérna og klára heima eða öfugt.“ Jón Óskar á það til að leika sér á stórum strigum en hann segir verkin á sýningunum hafa hentað ágætlega í þessu ferli. „Það er voða einfalt mál að flytja þetta á milli. Maður setur bara Vitawrap-plast utan um þau og sendir með Herjólfi.“ Hulda segir að á samsýningunni ægi saman verkum á ýmsum vinnslustigum. Hún sýni afsteypur, mót og hluti sem hafa ekki orðið að neinu, í bland við fullsköpuð listaverk. Þar á meðal eru þrjú ný smáverk sem eru fjölfeldi og þar má finna Fjallið eina. „Jón Óskar sýnir eitt stórt verk sem er í vinnslu og tvö fullunnin. Þau voru unnin í samvinnu við schaefertíkina Heiðu Berlín III. Tíkin bjó til mótin. Gróf holur í fíngerða ösku Eyjafjallajökuls og Jón Óskar steypti í þær og fínpússaði.“Árni Snævarr, upplýsingafulltrúi hjá Sameinuðu þjóðunum, gerði sér ferð til Eyja til þess að skoða list Huldu Hákon og Jóns Óskars. Á milli hans og Huldu er Kristín Jóhannsdóttir, forstöðumaður EldheimaGamlar hetjur Einkasýning Jóns Óskars er sölusýning en öðru máli gegnir um hans þátt í samsýningunni. „Á sýningu okkar Huldu sýni ég verk sem eru ekki til sölu enda er ég eiginlega að sýna þar hvernig ég vinn. Þetta eru sem sagt myndir sem eru hálfkláraðar og sumar verða kannski aldrei myndir. Ég veit það ekki. Þetta er svona vinnuferli og ég er að fikta við hina og þessa panela, stilla þeim upp saman og bara svona máta mig áfram.“ Jón Óskar bætir við að sig hafi alltaf langað til að sýna „svona hluti sem mér finnst vera mjög fallegir. Ég veit hins vegar að þetta er ekki eitthvað sem fólk myndi stökkva á, sko. Þetta er eins og uppkast að einhverju.“ Hann segir Huldu vera í svipuðum pælingum að einhverju leyti en hún sé ólíkt honum með fullkláruð verk til sölu. „Þannig að hennar ferli er meira heildstætt, frá upphafi til enda, á meðan mitt er meira bara svona frosið móment í vinnsluferli. Þetta eru eiginlega abstraksjónir á meðan á samsýningunni eru í og með svona gamlar hetjur, John Wayne og Ringo Starr og eitthvað. Þessar klisjur sem ég dreg alltaf á eftir mér.“ Jón Óskar segist ætíð standa vörð um sinn mann, Ringo, þegar heitir aðdáendur fara með fjórmenningana frá Liverpool í mannjöfnuð. „Að sjálfsögðu. Maður fer ekkert ofan af því. Hann er flottastur.“
Birtist í Fréttablaðinu Myndlist Vestmannaeyjar Mest lesið Aldrei litið betur út þrátt fyrir alvarlegt slys Lífið Borðar það sem alltaf hefur verið til og léttist og léttist Lífið „Það er alveg hægt að vinna rifrildið, en þá tapar sambandið“ Makamál Opna fyrstu umboðsstofuna í eigu leikara Menning Hyggjast halda breytta Söngvakeppni á næsta ári Lífið Ein lausn er að liggja hlið við hlið og fróa sér Lífið Eignaðist alvöru pungsa með alvöru pungsa Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Fimm ár af allskonar og hamingjan er enn hér“ Lífið Einfalt og frísklegt útlit fyrir hlaupið Lífið Fleiri fréttir Eignaðist alvöru pungsa með alvöru pungsa Hyggjast halda breytta Söngvakeppni á næsta ári Aldrei litið betur út þrátt fyrir alvarlegt slys Einfalt og frísklegt útlit fyrir hlaupið Borðar það sem alltaf hefur verið til og léttist og léttist „Fimm ár af allskonar og hamingjan er enn hér“ Ný plata frá Birgi Hákoni: „Ég er ekki lengur þessi gaur nema í tónlistinni“ „Það er alveg hægt að vinna rifrildið en þá tapar sambandið“ Púsluðu sig inn í undanúrslit þrátt fyrir hremmingar Tjáir sig í fyrsta sinn um bróðurmissinn Fagnaði 35 árum í sólinni Best skipulagða geymsla landsins í glæsihúsi við Laugardalinn „Allir vonuðu að þetta yrði stelpa“ Mistök að eyða ekki meiri tíma með börnunum Göngutúr með umhverfissálfræðingi: „Árás inn í umhverfið“ og vannýttasta horn borgarinnar Kvaddi dramað og flutti fyrir ástina Selur slapp úr hvalskjafti Komo keppir á stærstu götubitakeppni í heimi Verslunarhjón selja glæsivillu í 108 Okkar eigið Ísland: Skelltu sér í slímuga laug Eitt stærsta bílabíó landsins fer fram um helgina „Það spurði þig enginn“ Mætt aftur til vinnu Ein lausn er að liggja hlið við hlið og fróa sér Fagurt einbýli í hjarta Vesturbæjar Ljúffengar vöfflur í nestisboxið Réði ekki við sig þegar hann hitti Lopez Ekki viss um að mamma hans hefði kosið hann Leyfir börnunum að sofa uppi í rúmi Smekklegasta fólk landsins skálaði í kaffi Sjá meira