Bjóða upp á „gulrót“ úr kjöti til þess að storka grænkerum Vésteinn Örn Pétursson skrifar 26. júní 2019 19:48 Eins og sjá má svipar réttinum mjög til raunverulegrar gulrótar. Arby's Bandaríska veitingastaðakeðjan Arby‘s hefur hafið sölu á svokallaðri kjötrót (e. marrot). Kjötrótin er kjötréttur sem lítur út og bragðast eins og gulrót. Auk þess svipar næringargildi réttarins að einhverju leyti til fyrirmyndarinnar. Kjötrótin var sköpuð af markaðsstjóra Arby‘s, Neville Craw, og kokkinum Thomas Kippelen. Þeir segja réttinn innihalda um 30 grömm af próteini og meira en 70% af ráðlögðum dagskammti A-vítamíns. Blaðamaður INSIDER fékk tækifæri til þess að bragða á kjötrótinni og sagðist hissa á því hve líkur rétturinn væri sjálfri gulrótinni, bæði hvað varðar útlit og bragð. Helsti munurinn hafi verið sá að kjötrótin væri talsvert mýkri en gulræturnar sem fólk á að venjast. Uppistaða réttarins er kalkúnakjöt og er kjötrótin sögð hafa afar sætt bragð með „plöntulegum blæ.“ Arby‘s hefur í gegn um tíðina framfylgt harðri afstöðu sinni gegn því sem fyrirtækið kallar „gervikjöt.“ Það eru kjötlausir grænmetisréttir þar sem kjöti er skipt út fyrir kjötlíki á borð við Oumph. Á meðan mörg önnur fyrirtæki hafa tekið grænkerastefnunni (e. veganism) fagnandi, hefur Arby‘s synt á móti straumnum og virðist nú hafa ákveðið að ganga skrefinu lengra með því að búa til gervigrænmeti. „Líkurnar á því að við [Arby‘s] munum nokkurn tíma setja plöntumiðað fæði á matseðla okkar, nú eða í framtíðinni, eru nákvæmlega engar,“ segir meðal annars í yfirlýsingu frá fyrirtækinu. Bandaríkin Grín og gaman Vegan Mest lesið Björn plokkar í stað Höllu Lífið „Þetta er saga um sambandsslit tveggja vinkvenna“ Lífið Jiggly Caliente dragdrottning látin Lífið Krakkatían: Pokémon, spænska og hjólreiðakeppni Lífið „Prófið að plokka og sjáið árangurinn“ Lífið Ein glæsilegasta kona landsins á lausu Lífið Halla og Biden hittust í útför páfans Lífið Á erfitt með að muna nöfnin á börnum vina sinna Lífið Hildur Vala og Mikael Kaaber í aðalhlutverkum Moulin Rouge Lífið Á eiginmann og kærasta og allir sáttir Lífið
Bandaríska veitingastaðakeðjan Arby‘s hefur hafið sölu á svokallaðri kjötrót (e. marrot). Kjötrótin er kjötréttur sem lítur út og bragðast eins og gulrót. Auk þess svipar næringargildi réttarins að einhverju leyti til fyrirmyndarinnar. Kjötrótin var sköpuð af markaðsstjóra Arby‘s, Neville Craw, og kokkinum Thomas Kippelen. Þeir segja réttinn innihalda um 30 grömm af próteini og meira en 70% af ráðlögðum dagskammti A-vítamíns. Blaðamaður INSIDER fékk tækifæri til þess að bragða á kjötrótinni og sagðist hissa á því hve líkur rétturinn væri sjálfri gulrótinni, bæði hvað varðar útlit og bragð. Helsti munurinn hafi verið sá að kjötrótin væri talsvert mýkri en gulræturnar sem fólk á að venjast. Uppistaða réttarins er kalkúnakjöt og er kjötrótin sögð hafa afar sætt bragð með „plöntulegum blæ.“ Arby‘s hefur í gegn um tíðina framfylgt harðri afstöðu sinni gegn því sem fyrirtækið kallar „gervikjöt.“ Það eru kjötlausir grænmetisréttir þar sem kjöti er skipt út fyrir kjötlíki á borð við Oumph. Á meðan mörg önnur fyrirtæki hafa tekið grænkerastefnunni (e. veganism) fagnandi, hefur Arby‘s synt á móti straumnum og virðist nú hafa ákveðið að ganga skrefinu lengra með því að búa til gervigrænmeti. „Líkurnar á því að við [Arby‘s] munum nokkurn tíma setja plöntumiðað fæði á matseðla okkar, nú eða í framtíðinni, eru nákvæmlega engar,“ segir meðal annars í yfirlýsingu frá fyrirtækinu.
Bandaríkin Grín og gaman Vegan Mest lesið Björn plokkar í stað Höllu Lífið „Þetta er saga um sambandsslit tveggja vinkvenna“ Lífið Jiggly Caliente dragdrottning látin Lífið Krakkatían: Pokémon, spænska og hjólreiðakeppni Lífið „Prófið að plokka og sjáið árangurinn“ Lífið Ein glæsilegasta kona landsins á lausu Lífið Halla og Biden hittust í útför páfans Lífið Á erfitt með að muna nöfnin á börnum vina sinna Lífið Hildur Vala og Mikael Kaaber í aðalhlutverkum Moulin Rouge Lífið Á eiginmann og kærasta og allir sáttir Lífið