Íslenski boltinn

Fylkir sló bikarmeistarana úr leik

Ingvi Þór Sæmundsson skrifar
Fylkiskonur eru komnar í 8-liða úrslit Mjólkurbikars kvenna.
Fylkiskonur eru komnar í 8-liða úrslit Mjólkurbikars kvenna.
Fylkir gerði sér lítið fyrir og vann bikarmeistara Breiðabliks, 1-0, í 16-liða úrslitum Mjólkurbikars kvenna í Árbænum í dag.

Eina mark leiksins kom á 39. mínútu. Kristín Þóra Birgisdóttir skoraði þá eftir sendingu Þórdísar Elvu Ágústsdóttur.

Markið kom gegn gangi leiksins en Blikar voru mun sterkari aðilinn í fyrri hálfleik án þess þó að skapa sér mörg færi.

Gestirnir úr Kópavogi sköpuðu sér betri færi í seinni hálfleik en Cecilía Rán Rúnarsdóttir varði vel í marki heimakvenna.

Hildur Antonsdóttir, miðjumaður Breiðabliks, fékk rautt spjald í uppbótartíma fyrir mótmæli.

Fleiri urðu mörkin hins vegar ekki og Fylkir fagnaði sigri og sæti í 8-liða úrslitum Mjólkurbikarsins.

Upplýsingar um úrslit og gang mála eru fengnar frá Fótbolta.net.

Mjólkurbikarinn

Tengdar fréttir

KR og HK/Víkingur í 8-liða úrslit

KR er komið áfram í 8-liða úrslit Mjólkurbikars kvenna eftir sigur á Keflavík. HK/Víkingur vann þægilegan sigur á Aftureldingu.

Selfoss áfram eftir framlengingu

Selfoss tryggði sér sæti í 8-liða úrslitum Mjólkurbikars kvenna eftir framlengingu gegn Stjörnunni í Garðabæ.

Mest lesið


Fleiri fréttir

Sjá meira


×

Mest lesið