Skjern skrefi nær bronsinu

Íslendingalið Skjern tók fyrsta skrefið í átt að bronsverðlaunum í dönsku úrvalsdeildinni með sigri á Bjerringbro-Silkeborg í dag.

Skjern og Bjerringbro-Silkeborg töpuðu bæði undanúrslitaviðureignum sínum og þau mætast því í seríu um þriðja sætið.

Skjern, sem urðu meistarar á síðasta tímabili, unnu 35-32 sigur í fyrsta leik liðanna.

Björgvin Páll Gústavsson átti góða innkomu í liði Skjern og varði fjögur skot og var með um 36 prósenta markvörslu. Tandri Már Konráðsson komst ekki á blað í liði Skjern.