Þór/KA kom til baka í Eyjum

Þór/KA vann annan leikinn í röð í Pepsi Max-deild kvenna er liðið vann 3-1 sigur á ÍBV í þriðju umferð deildarinnar í dag.

Sigríður Lára Garðarsdóttir kom ÍBV yfir af vítapunktinum á 34. mínútu en Stephany Mayor jafnaði metin fjórum mínútum síðar.

Á 40. mínútu kom Margrét Árnadóttir Akureyrarliðinu yfir en þriðja markið skoraði Stephany Mayor, borgarstjórinn, á 87. mínútu. Lokatölur 3-1.

Þór/KA er með sex stig eftir fyrstu þrjá leikina en ÍBV er með þrjú stig.