Fjórir ÍR-ingar eru þeir einu með meira 400 mínútur í þessari úrslitakeppni

ÍR-ingurinn Matthías Orri Sigurðarson hefur spilað flestar mínútur af öllum leikmönnum í úrslitakeppni Domino´s deildar karla í körfubolta en liðsfélagar hans skipa næstu sæti listans.

ÍR-liðið er að fara spila sinn fimmtánda leik í þessari úrslitakeppni í oddaleiknum á móti KR í DHL-höllinni annað kvöld. Ekkert félag hefur spilað svo marga leiki í einni úrslitakeppni í allri sögu hennar frá 1984.

Matthías Orri vantar aðeins 8 mínútur og 6 sekúndur upp á það að spila 500 mínútur í þessari úrslitakeppni. Hann og þrír aðrir leikmenn úr ÍR-liðinu eru þeir einu sem hafa spilað yfir 400 mínútur í úrslitakeppninni.

Matthías Orri hefur þannig spilað 106 mínútum meira en Julian Boyd sem er mínútuhæstur í KR-liðinu með rúmlega 385 mínútur spilaðar.

KR-ingurinnPavelErmolinskij kemst líka upp í níunda sæti listans þrátt fyrir að hafa aðeins spilað í samtals þrjár mínútur í síðustu tveimur leikjum.

Það hafa samtals verið 575 mínútur í boði í ÍR-leikjunum í úrslitakeppninni og hefur Matthías því verið 85 prósent leiktímans inn á vellinum. Matthías Orri er með 15,1 stig og 3,3 stoðsendingar að meðaltali í úrslitakeppninni.

Liðsfélagi hans KevinCapers er einnig inn á topp fjögur þrátt fyrir að hafa verið rekinn út úr húsi í einum leik og tekið út leikbann í öðrum. Gerald Robinson og Sigurður Gunnar Þorsteinsson skipa annað og þriðja sæti listans.

Mínútuhæstir KR-inga eru auk Julian Boyd þeir Kristófer Acox og MikeDiNunno.

Flestar spilaðar mínútur í úrslitakeppni Domino´s deildar karla 2019:

1. Matthías Orri Sigurðarson, ÍR 491 mínúta:54 sekúndur

2. Gerald Robinson, ÍR     473:22

3. Sigurður Gunnar Þorsteinsson, ÍR     465:28

4. KevinCapers, ÍR     439:08

5. Julian Boyd, KR     385:26

6. Kristófer Acox, KR     369:54

7. MikeDiNunno, KR     53:57

8. BrandonRozzell, Stjarnan     325:12

9. PavelErmolinskij, KR     319:55

10. NikolasTomsick, Þór Þ.     318:30

13. Jón Arnór Stefánsson, KR     303:11

14. Sigurkarl Róbert Jóhannesson, ÍR     302:18

20. Sæþór Elmar Kristjánsson, ÍR 229:1