Hæstánægður með silfrið en finn að ég get gert mun betur Hjörvar Ólafsson skrifar 7. maí 2019 14:30 Júlían J.K. Jóhannsson er sterkur strákur. mynd/aðsend Evrópumeistaramótið í kraftlyftingum fór fram í Plzen í Tékklandi um helgina. Þar náði Júlían J.K. Jóhannsson þeim frábæra árangri að hreppa silfurverðlaun í þungavigtarflokki. Júlían segir að markmið hans fyrir mótið hafi verið að enda á meðal þriggja efstu og komast á pall. Það tókst og gott betur en hann kveðst hins vegar hefðu getað gert enn betur ef undirbúningur hans hefði verið með betra móti en raun bar vitni. Júlían lyfti alls 1.085 kílóum í keppni dagsins en var aðeins frá sínum besta árangri sem er 1.115 kíló. Það var Rússinn Maksim Prokhorov sem varð Evrópumeistari. „Ég er yfir mig ánægður með að hafa hreppt silfurverðlaun á svona sterku móti og ég er stoltur af þessum árangri. Tölulega séð eru lyfturnar líka mjög góðar og ég er að bæta mig í bekkpressu svo dæmi sé tekið. Það er flestallt jákvætt sem ég get tekið frá þessu móti. Þegar litið er til æfingauppkeyrslunnar sem var ekki eins og best verður á kosið þá er þetta bara mjög góð frammistaða,“ segir Júlían um árangurinn í Tékklandi. „Ég tognaði bæði í brjósti og baki í upphafi ársins og það varð til þess að ég gat ekki keppt á Reykjavíkurleikunum í febrúar og á þeim tímapunkti var tvísýnt um að ég gæti tekið þátt í Evrópumeistaramótinu. Þessi meiðsli höfðu þó nokkur áhrif á undirbúninginn og ég fann fyrir eymslum í brjósti í lyftunum um helgina en bakið hélt hins vegar. Ég gerði allt sem í mínu valdi stóð til að ná þessu móti og leitaði til að mynda aðstoðar heilara,“ segir þessi öflugi kappi enn fremur um undirbúning sinn fyrir mótið. „Þegar litið er til þess að mér finnist ég geta gert enn betur og varð þrátt fyrir það í öðru sæti þá er ég bara mjög sáttur og þetta gefur góð fyrirheit fyrir árið. Það er vissulega lúxusvandamál að telja sig að einhverju leyti svekktan með jafn góðan árangur á eins sterku móti og ég náði. Mér finnst ég geta endurmetið þau markmið sem ég setti mér fyrir árið og sett slána enn hærra. Næsta stóra verkefni hjá mér er heimsmeistaramótið sem haldið verður í Dúbaí í nóvember. Ég tvíbætti heimsmet á síðasta heimsmeistaramóti og ég stefni á að gera enn betur,“ segir Júlían um framhaldið hjá sér. „Nú þarf ég að greina það hvað ég gerði vel og hvað aflaga fór á mótinu um helgina. Sem dæmi þá held ég að ég geti staðið mig enn betur með því að huga betur að andlega hlutanum og leitað kannski til íþróttasálfræðings í þeim efnum. Líkamlega hliðin er á góðum stað en ég þarf að sinna andlegu hliðinni betur. Þá er það að mínu mati hnébeygjan sem skilur á milli þess að ég hreppti ekki gullverðlaunin þessu móti. Ég þarf að einbeita mér að því að bæta tæknileg atriði í hnébeygjunni til þess að komast á pall á heimsmeistaramótinu,“ segir hann um komandi verkefni. Júlían bætti heimsmetið í réttstöðulyftu með því að lyfta 405 kílóum á heimsmeistaramótinu í Halmstad í nóvember síðastliðnum. Þegar upp var staðið varð hann í fjórða sæti en eins og áður segir stefnir hann að því að bæta um betur og komast á pall á sterkasta mótinu sem haldið er ár hvert í kraftlyftingum. Á síðasta heimsmeistaramóti var Júlían 20 kílóum frá því að næla sér í bronsverðlaun og koma sér á pall. Hann telur það vel raunhæft að bæta sig svo mikið að hann endi með verðlaunapening af einhverri sort um hálsinn í Dúbaí. „Meiðslin eru nú að baki og mér finnst ég á vera á þeim stað að það sé rúm fyrir töluverða bætingu. Ef mér tekst að ná upp fullum krafti í æfingatörninni næstu mánuði, tæknilega hliðin á hnébeygjunni lagast og hugarfarið verður rétt, þá mun ég komast á pall í Dúbaí. Það væri frábær tilfinning og ég mun leggja hart að mér til þess að það takist,“ segir Júlían um draum sinn. Aflraunir Kraftlyftingar Mest lesið Magnað heimsmet í hálfu maraþoni Sport Diaz kom Liverpool í toppmál Enski boltinn Pat Vellner valdi að fara sömu leið og Anníe Mist Sport Ekki sama hvort það er „fuck off“ eða „fuck you“ Fótbolti Sektar eigin leikmenn eftir tapið gegn Víkingum Fótbolti Armstrong til Man United frá PSG Enski boltinn Wembanyama og Paul svindluðu og voru reknir úr keppni Körfubolti Leeds mun banna stuðningsfólk sem syngur and-palestínska söngva Enski boltinn Í beinni: Tottenham - Man. Utd | Tvö lið í brasi Enski boltinn Nistelrooy og Keown grófu stríðsöxina og slógu á létta strengi Enski boltinn Fleiri fréttir Dagný kom við sögu í sigri West Ham Víkingar sáu Sverri Inga skora í sigri Glódís skælbrosandi í landsleikina Í beinni: Tottenham - Man. Utd | Tvö lið í brasi Gísli stórkostlegur í toppslagnum ÍBV vann Gróttu sem hefur beðið í 136 daga Wembanyama og Paul svindluðu og voru reknir úr keppni Frestað í Danmörku vegna frosts í jörðu Albert kom inn á en fór meiddur af velli Diaz kom Liverpool í toppmál Mbappé syrgir tíu ára aðdáanda Martin í hópnum sem gæti skilað Íslandi á EM Sektar eigin leikmenn eftir tapið gegn Víkingum Ekki sama hvort það er „fuck off“ eða „fuck you“ Magnað heimsmet í hálfu maraþoni Pat Vellner valdi að fara sömu leið og Anníe Mist Armstrong til Man United frá PSG Leeds mun banna stuðningsfólk sem syngur and-palestínska söngva Dagskráin í dag: Fótbolti, körfubolti og keila Nistelrooy og Keown grófu stríðsöxina og slógu á létta strengi KR lánar Óðinn til ÍR Óðinn Þór markahæstur að venju Háspennuleikir á Akureyri og Króknum KA/Þór beint aftur upp í deild þeirra bestu „Mundum hverjir við erum“ Madrídarliðin sáu rautt í jafnteflum Heimsmeistararnir gengu frá lærisveinum Guðjóns Vals Gott gengi Everton undir stjórn Moyes heldur áfram „Vorum nokkurn veginn búnir að kortleggja þetta“ Uppgjörið: Haukar - Jeruzalem Ormoz 31-23 | Öruggt hjá Haukum gegn slöku slóvensku liði Sjá meira
Evrópumeistaramótið í kraftlyftingum fór fram í Plzen í Tékklandi um helgina. Þar náði Júlían J.K. Jóhannsson þeim frábæra árangri að hreppa silfurverðlaun í þungavigtarflokki. Júlían segir að markmið hans fyrir mótið hafi verið að enda á meðal þriggja efstu og komast á pall. Það tókst og gott betur en hann kveðst hins vegar hefðu getað gert enn betur ef undirbúningur hans hefði verið með betra móti en raun bar vitni. Júlían lyfti alls 1.085 kílóum í keppni dagsins en var aðeins frá sínum besta árangri sem er 1.115 kíló. Það var Rússinn Maksim Prokhorov sem varð Evrópumeistari. „Ég er yfir mig ánægður með að hafa hreppt silfurverðlaun á svona sterku móti og ég er stoltur af þessum árangri. Tölulega séð eru lyfturnar líka mjög góðar og ég er að bæta mig í bekkpressu svo dæmi sé tekið. Það er flestallt jákvætt sem ég get tekið frá þessu móti. Þegar litið er til æfingauppkeyrslunnar sem var ekki eins og best verður á kosið þá er þetta bara mjög góð frammistaða,“ segir Júlían um árangurinn í Tékklandi. „Ég tognaði bæði í brjósti og baki í upphafi ársins og það varð til þess að ég gat ekki keppt á Reykjavíkurleikunum í febrúar og á þeim tímapunkti var tvísýnt um að ég gæti tekið þátt í Evrópumeistaramótinu. Þessi meiðsli höfðu þó nokkur áhrif á undirbúninginn og ég fann fyrir eymslum í brjósti í lyftunum um helgina en bakið hélt hins vegar. Ég gerði allt sem í mínu valdi stóð til að ná þessu móti og leitaði til að mynda aðstoðar heilara,“ segir þessi öflugi kappi enn fremur um undirbúning sinn fyrir mótið. „Þegar litið er til þess að mér finnist ég geta gert enn betur og varð þrátt fyrir það í öðru sæti þá er ég bara mjög sáttur og þetta gefur góð fyrirheit fyrir árið. Það er vissulega lúxusvandamál að telja sig að einhverju leyti svekktan með jafn góðan árangur á eins sterku móti og ég náði. Mér finnst ég geta endurmetið þau markmið sem ég setti mér fyrir árið og sett slána enn hærra. Næsta stóra verkefni hjá mér er heimsmeistaramótið sem haldið verður í Dúbaí í nóvember. Ég tvíbætti heimsmet á síðasta heimsmeistaramóti og ég stefni á að gera enn betur,“ segir Júlían um framhaldið hjá sér. „Nú þarf ég að greina það hvað ég gerði vel og hvað aflaga fór á mótinu um helgina. Sem dæmi þá held ég að ég geti staðið mig enn betur með því að huga betur að andlega hlutanum og leitað kannski til íþróttasálfræðings í þeim efnum. Líkamlega hliðin er á góðum stað en ég þarf að sinna andlegu hliðinni betur. Þá er það að mínu mati hnébeygjan sem skilur á milli þess að ég hreppti ekki gullverðlaunin þessu móti. Ég þarf að einbeita mér að því að bæta tæknileg atriði í hnébeygjunni til þess að komast á pall á heimsmeistaramótinu,“ segir hann um komandi verkefni. Júlían bætti heimsmetið í réttstöðulyftu með því að lyfta 405 kílóum á heimsmeistaramótinu í Halmstad í nóvember síðastliðnum. Þegar upp var staðið varð hann í fjórða sæti en eins og áður segir stefnir hann að því að bæta um betur og komast á pall á sterkasta mótinu sem haldið er ár hvert í kraftlyftingum. Á síðasta heimsmeistaramóti var Júlían 20 kílóum frá því að næla sér í bronsverðlaun og koma sér á pall. Hann telur það vel raunhæft að bæta sig svo mikið að hann endi með verðlaunapening af einhverri sort um hálsinn í Dúbaí. „Meiðslin eru nú að baki og mér finnst ég á vera á þeim stað að það sé rúm fyrir töluverða bætingu. Ef mér tekst að ná upp fullum krafti í æfingatörninni næstu mánuði, tæknilega hliðin á hnébeygjunni lagast og hugarfarið verður rétt, þá mun ég komast á pall í Dúbaí. Það væri frábær tilfinning og ég mun leggja hart að mér til þess að það takist,“ segir Júlían um draum sinn.
Aflraunir Kraftlyftingar Mest lesið Magnað heimsmet í hálfu maraþoni Sport Diaz kom Liverpool í toppmál Enski boltinn Pat Vellner valdi að fara sömu leið og Anníe Mist Sport Ekki sama hvort það er „fuck off“ eða „fuck you“ Fótbolti Sektar eigin leikmenn eftir tapið gegn Víkingum Fótbolti Armstrong til Man United frá PSG Enski boltinn Wembanyama og Paul svindluðu og voru reknir úr keppni Körfubolti Leeds mun banna stuðningsfólk sem syngur and-palestínska söngva Enski boltinn Í beinni: Tottenham - Man. Utd | Tvö lið í brasi Enski boltinn Nistelrooy og Keown grófu stríðsöxina og slógu á létta strengi Enski boltinn Fleiri fréttir Dagný kom við sögu í sigri West Ham Víkingar sáu Sverri Inga skora í sigri Glódís skælbrosandi í landsleikina Í beinni: Tottenham - Man. Utd | Tvö lið í brasi Gísli stórkostlegur í toppslagnum ÍBV vann Gróttu sem hefur beðið í 136 daga Wembanyama og Paul svindluðu og voru reknir úr keppni Frestað í Danmörku vegna frosts í jörðu Albert kom inn á en fór meiddur af velli Diaz kom Liverpool í toppmál Mbappé syrgir tíu ára aðdáanda Martin í hópnum sem gæti skilað Íslandi á EM Sektar eigin leikmenn eftir tapið gegn Víkingum Ekki sama hvort það er „fuck off“ eða „fuck you“ Magnað heimsmet í hálfu maraþoni Pat Vellner valdi að fara sömu leið og Anníe Mist Armstrong til Man United frá PSG Leeds mun banna stuðningsfólk sem syngur and-palestínska söngva Dagskráin í dag: Fótbolti, körfubolti og keila Nistelrooy og Keown grófu stríðsöxina og slógu á létta strengi KR lánar Óðinn til ÍR Óðinn Þór markahæstur að venju Háspennuleikir á Akureyri og Króknum KA/Þór beint aftur upp í deild þeirra bestu „Mundum hverjir við erum“ Madrídarliðin sáu rautt í jafnteflum Heimsmeistararnir gengu frá lærisveinum Guðjóns Vals Gott gengi Everton undir stjórn Moyes heldur áfram „Vorum nokkurn veginn búnir að kortleggja þetta“ Uppgjörið: Haukar - Jeruzalem Ormoz 31-23 | Öruggt hjá Haukum gegn slöku slóvensku liði Sjá meira