Ráðherra telur tilefni til að endurskoða lög um trúfélög Kjartan Kjartansson skrifar 30. apríl 2019 14:16 Þórdís Kolbrún segir koma til álita að herða eftirlit og viðurlög sem gilda um trú- og lífsskoðunarfélög. Vísir/Vilhelm Ábendingar alþjóðlegs aðgerðahóps gegn peningaþvætti og fjármögnun hryðjuverka er á meðal þess sem dómsmálaráðherra telur gefa tilefni til að endurskoða lög um trú- og lífsskoðunarfélög. Ákvæði um upplýsingagjöf til eftirlitsaðila og upplýsingar um fjárhag og ráðstöfun fjármuna gætu verið endurskoðuð. Ríkislögreglustjóri telur verulega hættu á að trú- og lífsskoðunarfélög séu misnotuð vegna veikleika í umgjörð þeirra. Þetta kemur fram í svari Þórdísar Kolbrúnar Reykfjörð Gylfadóttur, dómsmálaráðherra, við skriflegri fyrirspurn Andrésar Inga Jónssonar, þingmanns Vinstri grænna, um fjármál trú- og lífsskoðunarfélaga á Alþingi. Vísað er í nýlegt áhættumat ríkislögreglustjóra sem byggir á úttekt alþjóðlegs aðgerðahóps (FATF) um stöðu varna gegn peningaþvætti og fjármögnun hryðjuverka þar sem kom fram að veikleikar væru í umgjörð, löggjöf og eftirliti með skráðum trú- og lífsskoðunarfélögum. Ákvæði um hæfi fyrirsvarsmanna félaganna, bókhald þeirra og fjárreiður voru þar talin ófullnægjandi og að endurskoða þyrfti lög um skráð trú- og lífsskoðunarfélög og huga að heimildum eftirlitsaðila til að sinna eftirliti og knýja á um úrbætur. „Með hliðsjón af þeim ábendingum verður að líta svo á að tilefni sé til að huga að endurskoðun laga um skráð trúfélög og lífsskoðunarfélög, þar á meðal endurskoðun ákvæða um skýrslugjöf félaganna til eftirlitsaðila og upplýsingar um fjárhag þeirra og ráðstöfun fjármuna,“ segir í svari dómsmálaráðherra.Litlar eða engar kröfur til forstöðu- og stjórnarmanna Ríkislögreglustjóri taldi verulega hættu á að trú- og lífsskoðunarfélög væru misnotuð í þágu brotastarfsemi, til dæmis til að þvætta ólögmætan ávinning, í áhættumati sínu vegna peningaþvættis og fjármögnunar hryðjuverka. Skilyrði til að stofna slík félög væru ekki sérlega ströng og litlar hæfiskröfur væru gerðar til fyrirsvarsmanna þeirra. Veikleikar séu í umgjörð, löggjöf og eftirliti með þeim. „Lúta þeir veikleikar einkum að ófullnægjandi ákvæðum um hæfi fyrirsvarsmanna þessara félaga, bókhald þeirra og fjárreið[ur],“ segir í áhættumatinu. Ekki séu gerðar kröfur um að forstöðumenn trú- og lífsskoðunarfélaga hafi hreinan sakaferil að öðru leyti en að þeir hafi ekki gerst sekir um brot í opinberu starfi og að engar kröfur séu gerðar til stjórnarmanna. Þeir þurfa hvorki að vera búsettir á Íslandi né skráðir í félagið. Þá séu engar reglur um ráðstöfun fjármuna trú- og lífsskoðunarfélaga utan þess að þau þurfa að skila sýslumanni árlega skýrslu um starfsemi sína. Eftirlit með fjárreiðum og bókhaldi félaganna sé takmarkað og engar hæfniskröfur séu gerðar til þeirra sem sjá um fjárreiðurnar.Andrés Ingi, þingmaður Vinstri grænna.Fréttablaðið/eyþórTil álita að herða kröfur og viðurlög Sýslumaðurinn á Norðurlandi eystra hefur haft eftirlit með starfsemi trú- og lífsskoðunarfélaga frá 1. febrúar árið 2014. Í svari dómsmálaráðherra til Andrésar Inga um eftirlit með fjármunum félaganna kemur fram að stærri félögin hafi sum hver skilað inn ársreikningum árituðum af endurskoðanda en þau minni skili frekar inn lágmarksupplýsingum, stundum á formi eyðublaðs á vefsíðu embættisins. „Gögnin eru yfirfarin og ef verulegar breytingar verða á milli ára eða ef einhverjir liðir þarfnast nánari skýringar er félögunum send fyrirspurn. Næsta fátítt er að sögn sýslumanns að reikningar skýri sig ekki að mestu sjálfir,“ segir í svari ráðherrans. Í sumum tilfellum hafi sýslumaður þurft að minna félög á að skila ársskýrslum en í mörgum tilvikum verði verulegar tafir á að þeim sé skilað. Ráðherra segir í svarinu að sýslumaður hafi ekki önnur úrræði en að veita félögum skriflega viðvörun og setja frest um úrbætur. Þá geti hann ákveðið að fella skráningu félags úr gildi bæti þau ekki úr því sem er áfátt innan tiltekins frests. „Þar sem skráning trúfélags eða lífsskoðunarfélags hefur í för með sér tiltekin lögbundin réttindi og skyldur fyrir slík félög, þar á meðal rétt til hlutdeildar í álögðum tekjuskatti í formi sóknargjalda, telur ráðherra koma til álita að gera ríkari kröfur um skil á skýrslum og herða viðurlög sé þeirri skyldu ekki sinnt,“ segir í svarinu. Vísir hefur fjallað ítarlega um málefni skráða trúfélagsins Zuism undanfarna mánuði. Sýslumaðurinn á Norðurlandi eystra hefur stöðvað greiðslu sóknargjalda til þess á þessu ári á þeim forsendum að óvissa ríki um hvort það uppfylli skilyrða laga. Ársskýrsla þess fyrir árið 2017 sýndi að um átta milljón króna tap hefði orðið á rekstri þess. Skýrslunni var skilað á eyðublað sýslumanns og mátti ekki ráða úr því hvernig fjármunum þess hafði verið varið. Ágúst Arnar Ágústsson, forstöðumaður Zuism, fullyrti í febrúar að hann ætlaði að stíga til hliðar og að ný stjórn hefði tekið við í félaginu. Fyrr í þessum mánuði sagðist hann ætla að sitja áfram eftir að félagið tilkynnti að það ætlaði að stefna ríkinu vegna vangoldinna sóknargjalda. Enn hefur ekki verið tilkynnt hverjir skipa nýja stjórn Zuism. Síðast þegar vitað var sat Einar Ágústsson, bróðir Ágústs Arnars, í stjórninni. Hann hlaut þungan fangelsisdóm fyrir að svíkja tugi milljóna króna út úr fjórum einstaklingum í fyrra. Ísland á gráum lista FATF Trúmál Zuism Tengdar fréttir Zúistar töpuðu tæpum átta milljónum árið 2017 Trúfélagið Zuism var með hátt í 36 milljónir króna í útgjöld sem það flokkaði sem óvenjulega liði árið 2017. Félagið hefur fengið tuga milljóna króna frá ríkinu í formi sóknargjalda. 4. febrúar 2019 14:00 Sýslumaður heldur eftir sóknargjöldum Zuism Eftirlitsaðili með starfsemi trúfélaga telur vafa leika því að Zuism uppfylli skilyrði laga. Félagið hefur stefnt íslenska ríkinu vegna vangoldinna sóknargjalda. 16. apríl 2019 21:00 Mest lesið Bein útsending: Konur streyma á Arnarhól Innlent Nýtt fíkniefni læðist inn á íslenskan markað Innlent Meinað að taka þátt þar sem hún þurfti að hafa barnið með sér Innlent Sættir sig ekki við sýknu tálbeitunnar Innlent Blöskrar „vælið“ vegna Norðuráls Innlent Rýnt í stöðuna í Úkraínu: Trump stendur loks við stóru orðin Erlent Bandaríkjamenn ræsa út stærsta flugmóðurskip heims Erlent Allt að áttatíu þúsund mæti í miðbæinn og götulokanir í gildi Innlent Vara við vafasömum Excel-skjölum í umferð „bókstaflega út um allt“ Innlent Hóf störf of snemma eftir kvörtun vegna heimilisofbeldis Innlent Fleiri fréttir Maður skotinn í Árnessýslu Ný viðbygging og hafragrautur í Hveragerði Grunsamleg útboð í samráði sem gæti verið víðtækt Stuttur fundur og hittast næst á mánudag Kvennaverkfall og lánabreytingar hjá Landsbanka Nýtt fíkniefni læðist inn á íslenskan markað Hóf störf of snemma eftir kvörtun vegna heimilisofbeldis Vara við vafasömum Excel-skjölum í umferð „bókstaflega út um allt“ Meinað að taka þátt þar sem hún þurfti að hafa barnið með sér Vill fund vegna „alvarlegrar stöðu“ á lánamarkaði Þingnefnd ræðir stöðuna á Grundartanga: „Þetta er bara óljóst“ Sjálfstæðismenn stefna á leiðtogaprófkjör í borginni Íslendingar meðal sakborninga en enginn í varðhaldi Bein útsending: Konur streyma á Arnarhól Blöskrar „vælið“ vegna Norðuráls Neita öllum ásökunum um samráð Leggja til breytingar við Reykjavíkurflugvöll eftir að lá við árekstri kennsluvéla Sættir sig ekki við sýknu tálbeitunnar Heimilar umferð um Vonarskarð Sennilegt að ástand Þingvallavegar hafi haft áhrif á aðdraganda banaslyss Miðla sögu jafnréttisbaráttunnar á Íslandi til útlanda Bein útsending: Nútíma kvennabarátta – Staða kvenna af erlendum uppruna á vinnumarkaði Dóra Björt stefnir á formanninn Þjóðin klofin í afstöðu til þess hvort jafnrétti kynjanna hafi verið náð Bein útsending: Umhverfismat vegna Sundabrautar kynnt Varnar- og öryggisstefna fyrir Ísland: Áhersla á Norðurslóðir, NATO og samstarf við Bandaríkin Allt að áttatíu þúsund mæti í miðbæinn og götulokanir í gildi Flugumferðarstjórar aflýsa vinnustöðvunum á morgun og laugardag Lofar látum og vísar gagnrýni Samtaka atvinnulífsins á bug „Fyrst og fremst erum við að biðja um að fá að vera skráð í okkar hús“ Sjá meira
Ábendingar alþjóðlegs aðgerðahóps gegn peningaþvætti og fjármögnun hryðjuverka er á meðal þess sem dómsmálaráðherra telur gefa tilefni til að endurskoða lög um trú- og lífsskoðunarfélög. Ákvæði um upplýsingagjöf til eftirlitsaðila og upplýsingar um fjárhag og ráðstöfun fjármuna gætu verið endurskoðuð. Ríkislögreglustjóri telur verulega hættu á að trú- og lífsskoðunarfélög séu misnotuð vegna veikleika í umgjörð þeirra. Þetta kemur fram í svari Þórdísar Kolbrúnar Reykfjörð Gylfadóttur, dómsmálaráðherra, við skriflegri fyrirspurn Andrésar Inga Jónssonar, þingmanns Vinstri grænna, um fjármál trú- og lífsskoðunarfélaga á Alþingi. Vísað er í nýlegt áhættumat ríkislögreglustjóra sem byggir á úttekt alþjóðlegs aðgerðahóps (FATF) um stöðu varna gegn peningaþvætti og fjármögnun hryðjuverka þar sem kom fram að veikleikar væru í umgjörð, löggjöf og eftirliti með skráðum trú- og lífsskoðunarfélögum. Ákvæði um hæfi fyrirsvarsmanna félaganna, bókhald þeirra og fjárreiður voru þar talin ófullnægjandi og að endurskoða þyrfti lög um skráð trú- og lífsskoðunarfélög og huga að heimildum eftirlitsaðila til að sinna eftirliti og knýja á um úrbætur. „Með hliðsjón af þeim ábendingum verður að líta svo á að tilefni sé til að huga að endurskoðun laga um skráð trúfélög og lífsskoðunarfélög, þar á meðal endurskoðun ákvæða um skýrslugjöf félaganna til eftirlitsaðila og upplýsingar um fjárhag þeirra og ráðstöfun fjármuna,“ segir í svari dómsmálaráðherra.Litlar eða engar kröfur til forstöðu- og stjórnarmanna Ríkislögreglustjóri taldi verulega hættu á að trú- og lífsskoðunarfélög væru misnotuð í þágu brotastarfsemi, til dæmis til að þvætta ólögmætan ávinning, í áhættumati sínu vegna peningaþvættis og fjármögnunar hryðjuverka. Skilyrði til að stofna slík félög væru ekki sérlega ströng og litlar hæfiskröfur væru gerðar til fyrirsvarsmanna þeirra. Veikleikar séu í umgjörð, löggjöf og eftirliti með þeim. „Lúta þeir veikleikar einkum að ófullnægjandi ákvæðum um hæfi fyrirsvarsmanna þessara félaga, bókhald þeirra og fjárreið[ur],“ segir í áhættumatinu. Ekki séu gerðar kröfur um að forstöðumenn trú- og lífsskoðunarfélaga hafi hreinan sakaferil að öðru leyti en að þeir hafi ekki gerst sekir um brot í opinberu starfi og að engar kröfur séu gerðar til stjórnarmanna. Þeir þurfa hvorki að vera búsettir á Íslandi né skráðir í félagið. Þá séu engar reglur um ráðstöfun fjármuna trú- og lífsskoðunarfélaga utan þess að þau þurfa að skila sýslumanni árlega skýrslu um starfsemi sína. Eftirlit með fjárreiðum og bókhaldi félaganna sé takmarkað og engar hæfniskröfur séu gerðar til þeirra sem sjá um fjárreiðurnar.Andrés Ingi, þingmaður Vinstri grænna.Fréttablaðið/eyþórTil álita að herða kröfur og viðurlög Sýslumaðurinn á Norðurlandi eystra hefur haft eftirlit með starfsemi trú- og lífsskoðunarfélaga frá 1. febrúar árið 2014. Í svari dómsmálaráðherra til Andrésar Inga um eftirlit með fjármunum félaganna kemur fram að stærri félögin hafi sum hver skilað inn ársreikningum árituðum af endurskoðanda en þau minni skili frekar inn lágmarksupplýsingum, stundum á formi eyðublaðs á vefsíðu embættisins. „Gögnin eru yfirfarin og ef verulegar breytingar verða á milli ára eða ef einhverjir liðir þarfnast nánari skýringar er félögunum send fyrirspurn. Næsta fátítt er að sögn sýslumanns að reikningar skýri sig ekki að mestu sjálfir,“ segir í svari ráðherrans. Í sumum tilfellum hafi sýslumaður þurft að minna félög á að skila ársskýrslum en í mörgum tilvikum verði verulegar tafir á að þeim sé skilað. Ráðherra segir í svarinu að sýslumaður hafi ekki önnur úrræði en að veita félögum skriflega viðvörun og setja frest um úrbætur. Þá geti hann ákveðið að fella skráningu félags úr gildi bæti þau ekki úr því sem er áfátt innan tiltekins frests. „Þar sem skráning trúfélags eða lífsskoðunarfélags hefur í för með sér tiltekin lögbundin réttindi og skyldur fyrir slík félög, þar á meðal rétt til hlutdeildar í álögðum tekjuskatti í formi sóknargjalda, telur ráðherra koma til álita að gera ríkari kröfur um skil á skýrslum og herða viðurlög sé þeirri skyldu ekki sinnt,“ segir í svarinu. Vísir hefur fjallað ítarlega um málefni skráða trúfélagsins Zuism undanfarna mánuði. Sýslumaðurinn á Norðurlandi eystra hefur stöðvað greiðslu sóknargjalda til þess á þessu ári á þeim forsendum að óvissa ríki um hvort það uppfylli skilyrða laga. Ársskýrsla þess fyrir árið 2017 sýndi að um átta milljón króna tap hefði orðið á rekstri þess. Skýrslunni var skilað á eyðublað sýslumanns og mátti ekki ráða úr því hvernig fjármunum þess hafði verið varið. Ágúst Arnar Ágústsson, forstöðumaður Zuism, fullyrti í febrúar að hann ætlaði að stíga til hliðar og að ný stjórn hefði tekið við í félaginu. Fyrr í þessum mánuði sagðist hann ætla að sitja áfram eftir að félagið tilkynnti að það ætlaði að stefna ríkinu vegna vangoldinna sóknargjalda. Enn hefur ekki verið tilkynnt hverjir skipa nýja stjórn Zuism. Síðast þegar vitað var sat Einar Ágústsson, bróðir Ágústs Arnars, í stjórninni. Hann hlaut þungan fangelsisdóm fyrir að svíkja tugi milljóna króna út úr fjórum einstaklingum í fyrra.
Ísland á gráum lista FATF Trúmál Zuism Tengdar fréttir Zúistar töpuðu tæpum átta milljónum árið 2017 Trúfélagið Zuism var með hátt í 36 milljónir króna í útgjöld sem það flokkaði sem óvenjulega liði árið 2017. Félagið hefur fengið tuga milljóna króna frá ríkinu í formi sóknargjalda. 4. febrúar 2019 14:00 Sýslumaður heldur eftir sóknargjöldum Zuism Eftirlitsaðili með starfsemi trúfélaga telur vafa leika því að Zuism uppfylli skilyrði laga. Félagið hefur stefnt íslenska ríkinu vegna vangoldinna sóknargjalda. 16. apríl 2019 21:00 Mest lesið Bein útsending: Konur streyma á Arnarhól Innlent Nýtt fíkniefni læðist inn á íslenskan markað Innlent Meinað að taka þátt þar sem hún þurfti að hafa barnið með sér Innlent Sættir sig ekki við sýknu tálbeitunnar Innlent Blöskrar „vælið“ vegna Norðuráls Innlent Rýnt í stöðuna í Úkraínu: Trump stendur loks við stóru orðin Erlent Bandaríkjamenn ræsa út stærsta flugmóðurskip heims Erlent Allt að áttatíu þúsund mæti í miðbæinn og götulokanir í gildi Innlent Vara við vafasömum Excel-skjölum í umferð „bókstaflega út um allt“ Innlent Hóf störf of snemma eftir kvörtun vegna heimilisofbeldis Innlent Fleiri fréttir Maður skotinn í Árnessýslu Ný viðbygging og hafragrautur í Hveragerði Grunsamleg útboð í samráði sem gæti verið víðtækt Stuttur fundur og hittast næst á mánudag Kvennaverkfall og lánabreytingar hjá Landsbanka Nýtt fíkniefni læðist inn á íslenskan markað Hóf störf of snemma eftir kvörtun vegna heimilisofbeldis Vara við vafasömum Excel-skjölum í umferð „bókstaflega út um allt“ Meinað að taka þátt þar sem hún þurfti að hafa barnið með sér Vill fund vegna „alvarlegrar stöðu“ á lánamarkaði Þingnefnd ræðir stöðuna á Grundartanga: „Þetta er bara óljóst“ Sjálfstæðismenn stefna á leiðtogaprófkjör í borginni Íslendingar meðal sakborninga en enginn í varðhaldi Bein útsending: Konur streyma á Arnarhól Blöskrar „vælið“ vegna Norðuráls Neita öllum ásökunum um samráð Leggja til breytingar við Reykjavíkurflugvöll eftir að lá við árekstri kennsluvéla Sættir sig ekki við sýknu tálbeitunnar Heimilar umferð um Vonarskarð Sennilegt að ástand Þingvallavegar hafi haft áhrif á aðdraganda banaslyss Miðla sögu jafnréttisbaráttunnar á Íslandi til útlanda Bein útsending: Nútíma kvennabarátta – Staða kvenna af erlendum uppruna á vinnumarkaði Dóra Björt stefnir á formanninn Þjóðin klofin í afstöðu til þess hvort jafnrétti kynjanna hafi verið náð Bein útsending: Umhverfismat vegna Sundabrautar kynnt Varnar- og öryggisstefna fyrir Ísland: Áhersla á Norðurslóðir, NATO og samstarf við Bandaríkin Allt að áttatíu þúsund mæti í miðbæinn og götulokanir í gildi Flugumferðarstjórar aflýsa vinnustöðvunum á morgun og laugardag Lofar látum og vísar gagnrýni Samtaka atvinnulífsins á bug „Fyrst og fremst erum við að biðja um að fá að vera skráð í okkar hús“ Sjá meira
Zúistar töpuðu tæpum átta milljónum árið 2017 Trúfélagið Zuism var með hátt í 36 milljónir króna í útgjöld sem það flokkaði sem óvenjulega liði árið 2017. Félagið hefur fengið tuga milljóna króna frá ríkinu í formi sóknargjalda. 4. febrúar 2019 14:00
Sýslumaður heldur eftir sóknargjöldum Zuism Eftirlitsaðili með starfsemi trúfélaga telur vafa leika því að Zuism uppfylli skilyrði laga. Félagið hefur stefnt íslenska ríkinu vegna vangoldinna sóknargjalda. 16. apríl 2019 21:00