KA bikarmeistari í fyrsta sinn

KA varð í dag bikarmeistari kvenna í blaki eftir sigur á HK í úrslitaleik, 3-1. Þetta er í fyrsta sinn sem kvennalið KA verður bikarmeistari.

KA varð deildarmeistari fyrr í mánuðinum og bætti bikarmeistaratitlinum við í dag. KA-konur geta svo bætt þriðja titlinum við en framundan er úrslitakeppni um Íslandsmeistaratitilinn.

KA vann fyrstu hrinuna í bikarúrslitaleiknum í dag, 29-27. HK svaraði fyrir sig með því að vinna aðra hrinuna örugglega, 25-12.

KA-konur náðu forystunni á ný með sigri í þriðju hrinunni, 25-16.

Í fjórðu hrinunni byrjaði KA betur en HK gaf sig ekki og hleypti spennu í leikinn með góðu áhlaupi. Akureyringar sýndu hins vegar styrk sinn á lokakaflanum og vann fjórðu hrinuna, 25-19, og leikinn 3-1.

KA er bikarmeistari kvenna í blaki eftir frábæran 3-1 sigur á HK í úrslitaleik!Þetta er fyrsti Bikarmeistaratitill KA í blaki kvenna og óskum við stelpunum til hamingju með titilinn!#LifiFyrirKApic.twitter.com/155Bim6tCy

— KA (@KAakureyri) March 24, 2019