Meistarakeppnin á Spáni verður hér eftir á flakki um heiminn og með fleiri liðum

Meistarakeppnin í spænska fótboltanum mun taka breytingum á næstunni en bæði munu fleiri félög taka þátt sem og að keppnin verður hér eftir spiluð utan Spánar.

Síðasta meistarakeppnin á Spáni var einn leikur á milli spænsku meistaranna og spænsku bikarmeistaranna og fór hann fram í Marokkó. Áður fyrr léku fyrrnefnd félög tvö leiki, heima og að heiman.

Í framtíðinni verða aftur á móti fjögur lið í keppninni og mun keppnin fara fram utan Spánar.

Change could be coming to Supercopa de Espana  pic.twitter.com/qi6pX0qWJQ

— B/R Football (@brfootball) February 19, 2019

Í keppninni munu hér eftir vera tvö efstu liðin í deildinni og síðan liðin sem spiluðu til úrslita í spænsku bikarkeppninni.

Yfirmenn í spænsku knattspyrnusambandinu vonast til að þessi breyting verði til að auka áhuga á spænsku deildinni erlendis.

Stefnan er að þessi nýja útgáfa á meistarakeppninni fari fram fyrir næsta tímabil en það á þó eftir að ganga frá öllum lausum endum í skipulaginu.

Einn leikur í spænsku deildinni á þessu tímabili, leikur Girona og Barcelona, átti að fara fram í Miami í Bandaríkjunum í næsta mánuði en hætt var við það eftir mikla óánægju hjá bæði leikmannasamtökunum og dómurum.

Spænska deildin hafði undirritað samning um að einn leikur á tímabili yrði spilaður í Bandaríkjunum.