Hans Lindberg snýr aftur í danska hópinn í úrslitaleiknum

Hægri hornamaðurinn öflugi, Hans Óttar Lindberg, er búinn að jafna sig af meiðslum og snýr aftur í hóp danska landsliðsins í úrslitaleiknum gegn Noregi á HM í handbolta í dag.

Nikolaj Jacobsen, þjálfari Danmerkur, ákvað að kalla Lindberg inn fyrir Johan Hansen en Lindberg meiddist í fyrsta leik Dana á mótinu.

Lindberg er leikreyndasti maður danska landsliðsins en hann hefur spilað 262 landsleiki og skorað 732 mörk. Hann er annar leikjahæsti landsliðsmaður Dana frá upphafi en aðeins Lars Christiansen hefur leikið fleiri leiki.

Úrslitaleikurinn fer fram í Herning í Danmörku og hefst klukkan 16:30 í dag.