Mahomes bestur er Ameríkudeildin burstaði Þjóðadeildina

Hinn magnaði leikstjórnandi Kansas City Chiefs, Patrick Mahomes, lauk frábæru tímabili hjá sér í gær er hann var valinn besti leikmaður stjörnuleiks NFL-deildarinnar, Pro Bowl.

Mahomes sýndi skemmtileg tilþrif í 26-7 sigri Ameríkudeildarinnar á Þjóðadeildinni. Venju samkvæmt kastaði hann fyrir snertimarki í fyrstu sókn leiksins en það var innherji Indianapolis Colts, Eric Ebron, sem greip frá honum.

Mahomes endaði með 156 jarda í þessum eina fjórðungi sem hann spilaði.

MVP in his first appearance: Every @PatrickMahomes5 pass from the 2019 #ProBowl! pic.twitter.com/3iNEnTqkwM

— NFL (@NFL) January 28, 2019

Jamal Adams, varnarmaður NY Jets, var valinn besti varnarmaður leiksins sem fór fram í rigningu og frekar leiðinlegum aðstæðum í Orlando.

Leikurinn þykir sjaldan mjög skemmtilegur en mörgum þótti keyra um þverbak í ruglinu í gær er alls konar sóknarmenn voru farnir að spila vörn og öfugt.