Hafrannsóknastofnun mun hvorki þurfa að segja upp starfsfólki né leggja rannsóknaskipinu Bjarna Sæmundssyni eins og boðað hafði verið vegna niðurskurðar sem blasti við hjá stofnuninni.
Frá þessu er greint á vef Hafró en þar segir að eftir stíf fundahöld með Kristjáni Þór Júlíussyni, sjávarútvegs- og landbúnaðarráðherra, og starfsfólki atvinnu- og nýsköpunarráðuneytisins hafi fundist leiðir til þess að draga úr fyrirhuguðum niðurskurði stofnunarinnar.
„Stofnunin mun hvorki þurfa að segja upp fólki né leggja rannsóknaskipinu Bjarna Sæmundssyni. Þetta er mikill léttir fyrir stjórn og starfsfólk stofnunarinnar.
Eftir stendur að stofnunin þarf að takast á við hagræðingarkröfu sem tilgreind er í fjárlagafrumvarpi, líkt og aðrar stofnanir.
Áfram veður unnið með ráðuneytinu til að finna traustari leiðir til að fjármagna rekstur stofnunarinnar til framtíðar,“ segir á vef Hafró.
Hafró mun hvorki segja upp fólki né leggja Bjarna Sæmundssyni
Tengdar fréttir
Niðurskurður til Hafró „allt of mikið í einu“
Sjávarútvegsráðherra segir að brugðist verði við gagnrýni á niðurskurð á fjárframlagi til Hafrannsóknarstofnunar.
Krefjast þess að stjórnvöld falli frá „óskiljanlegri“ ákvörðun
Sjómannasamband Íslands, VM - Félag vélstjóra og málmtæknimanna, Félag skipstjórnarmanna og Samtök fyrirtækja í sjávarútvegi skrifa undir yfirlýsinguna.
Tugum starfsmanna Hafró sagt upp og Bjarna Sæmundssyni lagt
Hafró hefur verið gert að hagræða í rekstri um 303,5 milljónir króna líkt og fram kemur á heimasíðu Hafró.
