Argentínumenn hafa ekki gefið upp vonina um að komast í milliriðlakeppnina á HM.
Argentínumenn skelltu Angóla í dag, 33-26, í D-riðlinum en leikið var í Kaupmannahöfn. Argentínumenn leiddu með fimm marka mun í leikhléi, 17-12.
Argentína er sem stendur í þriðja sæti riðilsins með þrjú stig en bæði Katar og Egyptaland geta komist upp fyrir Argentínu síðar í dag.
Katarar spila þá við Svía en Egyptaland mætir Ungverjum.
Argentína hristi af sér Angóla
