Í gegnum tíðina hefur konum á aldrinum tíu til fimmtíu ára ekki verið hleypt inn í hofið. Ástæðan er sú að konur á „blæðingaaldri“ máttu ekki iðka trú sína í hofinu.
Hæstiréttur Indlands komst að þeirri niðurstöðu á síðasta ári að ekki væri grundvöllur fyrir banninu og að veita þyrfti konum á hinu umrædda aldursbili aðgang að hofinu.
Ákvörðun réttarins þykir hins vegar umdeild í sumum hornum Indlands, ekki síst innan flokks þjóðernissinnaðra hindúa, BJP, sem er við völd í Indlandi.
Samkvæmt hindúatrú eru konur á blæðingum taldar vera „óhreinar“ en þó er sjaldgæft að konum á fyrrnefndu aldursbili sé alfarið bannað að iðka trú sína í hofum hindúa. Flest láta sér nægja að meina konum aðgang á meðan þær eru á blæðingum. Þess á milli er þeim frjálst að koma í hofin.
Fáar konur hafa hætt sér í Sabarimala-hofið sökum mikilla mótmæla í Kerala sem rekja má til ákvörðunar Hæstaréttar Indlands.
Talið er að um fimm milljónir kvenna hafi tekið þátt í keðjunni.
