Conor McGregor er þegar byrjaður að þjálfa Conor yngri

Írski bardagakappinn Conor McGregor er orðinn þrítugur og kominn inn á seinni hluta ferilsins síns.

Hann ætlar þó að sjá til þess að Conor McGregor nafninu verði haldið hátt á lofti í búrinu á næstu áratugum.

Conor McGregor á nefnilega son sem heitir Conor Jack McGregor yngri og fæddist í maí 2017. Conor McGregor á hann meða kærustu sinni til tíu ára, Dee Devlin.

Conor yngri fékk greinilega bardagahanska í jólagjöf því faðir og sonur tóku strax létta æfingu um jólin.

Conor McGregor eldri var svo ánægður með tilþrif sonarins að hann henti myndbandi af stráknum inn á samfélagsmiðla sína eins og sjá má hér fyrir neðan.

Conor Jr. learning to throw hands like his dad (via @TheNotoriousMMA) pic.twitter.com/PQJDMUUhM2

— ESPN MMA (@espnmma) January 1, 2019

Conor yngri verður ekki tveggja ára fyrr en eftir rúma fjóra mánuði en miðað við þessi tilþrif og áhuga pabba á bardagaferli sonarins þá er von á miklu í framtíðinni.