Valdaránsmenn handteknir í Gabon

Guy-Bertrand Mapangou, talsmaður gabonskra stjórnvalda, segir að fjórir einstaklingar innan hers landsins, sem sögðust í morgun hafa tekið við völdum í landinu, hafi verið handteknir. Fimmti uppreisnarmaðurinn er sagður vera á flótta.

Valdaránsmennirnir innan hersins sögðust hafa rænt völdum til að „koma á lýðræði“ í landinu á ný. Forseti landsins, Ali Bongo, hefur dvalið í Marokkó síðastliðna tvo mánuði þar sem hann hefur gengist undir læknismeðferð.

Ali Bongo tók við völvum í landinu af föður sínum, Omar Bongo, árið 2009 en hann hafði þá stýrt landinu frá 1967.

BBC  segir frá því að sést hafi til skriðdreka og brynvarinna bíla í höfuðborginni Libreville í morgun.

Valdaránsmennirnir fimm sóttu inn á skrifstofur ríkistekinnar útvarpsstöðvar í morgun þar sem þeir lásu yfirlýsingu um að þeir hafi tekið við völdum í landinu. Hvöttu þeir jafnframt ungt fólk í landinu að ráða sjálft örlögum sínum.

Gabon er ríkt af olíuauðlindum og eru íbúar um tvær milljónir talsins.