Logi bjartsýnn fyrir HM: Vil fá miklu meira frá Aroni Eiríkur Stefán Ásgeirsson skrifar 7. janúar 2019 19:30 Aron Pálmarsson í leik með íslenska liðinu. Vísir/Daníel Logi Geirsson er bjartsýnn fyrir hönd íslenska liðsins vegna HM í handbolta sem hefst síðar í vikunni. Ísland hefur leik gegn sterku liði Króata á föstudag en eftir æfingamót helgarinnar í Ósló telur Logi að það sé góður bragur á leik íslenska liðsins. „Ég vil aðallega horfa á hlutina jákvætt. Nú er stutt í stórmót og þrátt fyrir að það væru mörg spurningamerki í kringum íslenska liðið fannst mér það vera á réttri leið. Þetta var í fyrsta sinn sem ég sé einhvern „Gummabrag“ yfir liðinu,“ sagði Logi. Hann telur að það sé annað og betra jafnvægi á íslenska liðinu, sérstaklega eftir að Guðmundur landsliðsþjálfari gerði breytingar á skyttustöðum liðsins. „Eftir að Gummi tók við liðinu notar hann Aron Pálmarsson meira vinstra megin og Ómar Inga hægra megin. Þar með er hann búinn að skipta út Ólafi Guðmundssyni og Rúnari Kárasyni. Mér finnst að það muni minnka sveiflurnar í íslenska liðinu,“ sagði Logi en Íslandi hefur ekki vegnað vel á síðustu stórmótum. Ísland féll til að mynda úr leik eftir riðlakeppnina á EM í Króatíu í fyrra. „Það er rannsóknarefni hvernig við spiluðum síðustu 20 mínúturnar í leikjunum okkar á síðasta stórmóti. Núna finnst mér meira jafnvægi á liðinu og það sem ég hef kallað leikgreind hjá skyttunum sem skilar sér í því að við erum að tapa færri boltum en áður. Ég reikna því ekki með að sjá þessa slæmu kafla sem hafa verið hjá okkur. Við sáum líka þegar Aron Kristjánsson var með liðið að þá voru fyrstu fimmtán mínúturnar okkar í leikjum á stórmótum oft mjög erfiðar, sem fór oft með leiki hjá okkur.“ Logi telur að í Noregi hafi Ísland mætt ofjörlum sínum þegar strákarnir okkar lágu fyrir heimamönnum í fyrsta leik. En það breytir því ekki að Logi er spenntur fyrir framhaldinu. „Gummi er að koma inn með nýja hluti og er ég spenntur fyrir stórmótinu sem er framundan að því leyti að riðillinn er góður fyrir okkur. Við munum vinna Makedóníu, Barein og Japan og gætum jafnvel stolið stigi af Króatíu. En það sem bíður okkar í milliriðli verður of sterkt fyrir okkur. En liðið er að taka breytingum, Gummi hefur beðið um að fá þrjú ár til að ná sínu í gegn og þá verður hann að fá þessi þrjú ár.“ En hefur Logi ekki áhyggjur af neinu eftir að hafa fylgst með liðinu í Noregi? „Ég hef oft nefnt það og það sjá allir að markvarslan var verulega döpur. Gummi fékk samt Tomas Svensson í þjálfaraliðið sitt, einn besta markvörð allra tíma. Það hefur því miður ekki borið árangur, miðað við það sem ég hef séð hingað til. En stórmóta-Bjöggi, hann getur alveg dottið í gírinn og þá geta hlutirnir gerst.“ Logi fer heldur ekki leynt með það að hann er ekki ánægður með það sem að Aron Pálmarsson hefur haft fram að færa í íslensku landsliðstreyjunni síðustu misseri. „Nei, ef ég segi hreint út þá finnst mér það ekki. Aron hefur margoft sýnt það að hann er einn besti leikmaður í heimi, hann spilar með Barcelona þar sem hann er í lykilhlutverki. Við viljum fá miklu meira frá honum, ég held að við séum öll sammála um það. Hann þarf að sýna meira á þessu móti.“ „Í fyrra var hann í vandræðum með félagsliðin sín og það var erfitt fyrir hann að losna frá Veszprem. Hann náði sér engan veginn á strik á síðasta stórmóti, þar sem hann var með flesta tapaða bolta af öllum í riðlakeppninni. Þetta er maður sem tapar varla bolta. Ég hef trú á því að við munum sjá allt annan Aron Pálmarsson á þessu móti, hann hefur spilað vel með Barcelona og ég bið hann um að taka keflið og leiða liðið almennilega.“ Ísland hefur ekki verið meðal tíu efstu þjóða á síðustu fjórum stórmótum og Logi telur að það væri ásættanleg niðurstaða að ná þeim áfanga á ný nú. „Við munum lenda í þriðja sæti í riðlinum, það er alveg klárt. Makedónía hefur verið að spila mjög illa. En ég veit að það má ekki tala svona - Gummi verður brjálaður þegar hann horfir á þetta í tölvunni sinni. En ég get sagt það að það er mjög líklegt að við lendum í þriðja sæti, við gætum jafnvel kroppað stig af Króötunum í fyrsta leiknum. Í milliriðlinum bíður okkar svakaleg lið - Þýskaland, Frakkland og að öllum líkindum Rússland. Það væri því mjög ásættanlegt að liðinu tækist að stimpla sig inn í topp tíu,“ sagði Logi Geirsson. Hér fyrir neðan má sjá viðtalið við Loga Geirsson.Klippa: Logi Geirsson um handboltalandsliðið HM 2019 í Þýskalandi og Danmörku Mest lesið Rekinn vegna gruns um nýtt brot gegn barni Fótbolti Ten Hag rekinn frá Man. Utd Enski boltinn Hugsuðu út fyrir kassann og bjuggu til ókeypis stúkusæti Fótbolti Lést eftir árás frá bullum erkifjendanna Fótbolti Sænska landsliðskonan gleymdi að klæða sig í treyjuna Fótbolti Býst við að hætta áður en VAR nær til Íslands Íslenski boltinn Segja Man. Utd með fimm manna lista en hver er líklegastur? Enski boltinn Segir Man. United menn hafa verið beitta alvarlegu óréttlæti Enski boltinn Myndasyrpa: Blikar fögnuðu titlinum með aðdáendum Íslenski boltinn Myndaveisla frá Íslandsmeistarafögnuði Blika Fótbolti Fleiri fréttir Ómar Ingi markahæstur í stórsigri Magdeburg Íslendingalið Gummersbach marði botnliðið Sterkur sigur stelpnanna á Selfossi KA enn á botninum eftir tap í Eyjum Haukar unnu Hanana öðru sinni og eru komnir áfram „Til fyrirmyndar hvernig stelpurnar mættu í þennan leik“ Uppgjörið: Ísland - Pólland 30-24 | Frábærar íslenskar stelpur lofa góðu fyrir EM Valsmenn náðu að jafna í lokin Einar Bragi fékk rautt spjald en liðið hans vann Guðmundur Bragi og félagar í stuði í seinni Íslensku landsliðsmennirnir hvíldir eftir átökin í Meistaradeildinni í vikunni Dana Björg leikur fyrsta landsleikinn en Sandra hvílir Afturelding á toppinn og Grótta tapar enn Veszprem vann fyrsta leik Arons en lítið gengur hjá Magdeburg Elvar Örn og Arnar Freyr á toppnum eftir sigur í Íslendingaslag Uppgjörið: HK - ÍR 37-31| HK vann botnslaginn Frækin ferð Kolstad til Ungverjalands „Vel liðið eftir minni eigin sannfæringu og fylgi því“ Vipers stjörnurnar tjá sig: „Þetta hefur verið rússíbani“ Guðmundur stoltur í leikslok í gær: „Þetta var stórkostlegt“ Gummi Gumm og Haukur fögnuðu sigri í einvígum Íslendingaliða Óðinn skoraði mark umferðarinnar með Óðinsskotinu Þórir undrandi á hve slæm staðan var og hlífir leikmönnum „Rými sem þarf að fylla og mér fannst liðið svara því vel“ Melsungen ekki í vandræðum með Val Uppgjörið: FH - Sävehof 34-30 | Frábær seinni hálfleikur skilaði fyrsta Evrópudeildarsigrinum Tvöfölduðu launin á fjórum árum Þakklátir fyrir en sjá á eftir Aroni: „Útskýrði vel fyrir liðinu hvað væri í gangi“ Snorri fagnar ákvörðun Arons: „Mér finnst þetta virðingarvert“ Vipers bjargað frá gjaldþroti Sjá meira
Logi Geirsson er bjartsýnn fyrir hönd íslenska liðsins vegna HM í handbolta sem hefst síðar í vikunni. Ísland hefur leik gegn sterku liði Króata á föstudag en eftir æfingamót helgarinnar í Ósló telur Logi að það sé góður bragur á leik íslenska liðsins. „Ég vil aðallega horfa á hlutina jákvætt. Nú er stutt í stórmót og þrátt fyrir að það væru mörg spurningamerki í kringum íslenska liðið fannst mér það vera á réttri leið. Þetta var í fyrsta sinn sem ég sé einhvern „Gummabrag“ yfir liðinu,“ sagði Logi. Hann telur að það sé annað og betra jafnvægi á íslenska liðinu, sérstaklega eftir að Guðmundur landsliðsþjálfari gerði breytingar á skyttustöðum liðsins. „Eftir að Gummi tók við liðinu notar hann Aron Pálmarsson meira vinstra megin og Ómar Inga hægra megin. Þar með er hann búinn að skipta út Ólafi Guðmundssyni og Rúnari Kárasyni. Mér finnst að það muni minnka sveiflurnar í íslenska liðinu,“ sagði Logi en Íslandi hefur ekki vegnað vel á síðustu stórmótum. Ísland féll til að mynda úr leik eftir riðlakeppnina á EM í Króatíu í fyrra. „Það er rannsóknarefni hvernig við spiluðum síðustu 20 mínúturnar í leikjunum okkar á síðasta stórmóti. Núna finnst mér meira jafnvægi á liðinu og það sem ég hef kallað leikgreind hjá skyttunum sem skilar sér í því að við erum að tapa færri boltum en áður. Ég reikna því ekki með að sjá þessa slæmu kafla sem hafa verið hjá okkur. Við sáum líka þegar Aron Kristjánsson var með liðið að þá voru fyrstu fimmtán mínúturnar okkar í leikjum á stórmótum oft mjög erfiðar, sem fór oft með leiki hjá okkur.“ Logi telur að í Noregi hafi Ísland mætt ofjörlum sínum þegar strákarnir okkar lágu fyrir heimamönnum í fyrsta leik. En það breytir því ekki að Logi er spenntur fyrir framhaldinu. „Gummi er að koma inn með nýja hluti og er ég spenntur fyrir stórmótinu sem er framundan að því leyti að riðillinn er góður fyrir okkur. Við munum vinna Makedóníu, Barein og Japan og gætum jafnvel stolið stigi af Króatíu. En það sem bíður okkar í milliriðli verður of sterkt fyrir okkur. En liðið er að taka breytingum, Gummi hefur beðið um að fá þrjú ár til að ná sínu í gegn og þá verður hann að fá þessi þrjú ár.“ En hefur Logi ekki áhyggjur af neinu eftir að hafa fylgst með liðinu í Noregi? „Ég hef oft nefnt það og það sjá allir að markvarslan var verulega döpur. Gummi fékk samt Tomas Svensson í þjálfaraliðið sitt, einn besta markvörð allra tíma. Það hefur því miður ekki borið árangur, miðað við það sem ég hef séð hingað til. En stórmóta-Bjöggi, hann getur alveg dottið í gírinn og þá geta hlutirnir gerst.“ Logi fer heldur ekki leynt með það að hann er ekki ánægður með það sem að Aron Pálmarsson hefur haft fram að færa í íslensku landsliðstreyjunni síðustu misseri. „Nei, ef ég segi hreint út þá finnst mér það ekki. Aron hefur margoft sýnt það að hann er einn besti leikmaður í heimi, hann spilar með Barcelona þar sem hann er í lykilhlutverki. Við viljum fá miklu meira frá honum, ég held að við séum öll sammála um það. Hann þarf að sýna meira á þessu móti.“ „Í fyrra var hann í vandræðum með félagsliðin sín og það var erfitt fyrir hann að losna frá Veszprem. Hann náði sér engan veginn á strik á síðasta stórmóti, þar sem hann var með flesta tapaða bolta af öllum í riðlakeppninni. Þetta er maður sem tapar varla bolta. Ég hef trú á því að við munum sjá allt annan Aron Pálmarsson á þessu móti, hann hefur spilað vel með Barcelona og ég bið hann um að taka keflið og leiða liðið almennilega.“ Ísland hefur ekki verið meðal tíu efstu þjóða á síðustu fjórum stórmótum og Logi telur að það væri ásættanleg niðurstaða að ná þeim áfanga á ný nú. „Við munum lenda í þriðja sæti í riðlinum, það er alveg klárt. Makedónía hefur verið að spila mjög illa. En ég veit að það má ekki tala svona - Gummi verður brjálaður þegar hann horfir á þetta í tölvunni sinni. En ég get sagt það að það er mjög líklegt að við lendum í þriðja sæti, við gætum jafnvel kroppað stig af Króötunum í fyrsta leiknum. Í milliriðlinum bíður okkar svakaleg lið - Þýskaland, Frakkland og að öllum líkindum Rússland. Það væri því mjög ásættanlegt að liðinu tækist að stimpla sig inn í topp tíu,“ sagði Logi Geirsson. Hér fyrir neðan má sjá viðtalið við Loga Geirsson.Klippa: Logi Geirsson um handboltalandsliðið
HM 2019 í Þýskalandi og Danmörku Mest lesið Rekinn vegna gruns um nýtt brot gegn barni Fótbolti Ten Hag rekinn frá Man. Utd Enski boltinn Hugsuðu út fyrir kassann og bjuggu til ókeypis stúkusæti Fótbolti Lést eftir árás frá bullum erkifjendanna Fótbolti Sænska landsliðskonan gleymdi að klæða sig í treyjuna Fótbolti Býst við að hætta áður en VAR nær til Íslands Íslenski boltinn Segja Man. Utd með fimm manna lista en hver er líklegastur? Enski boltinn Segir Man. United menn hafa verið beitta alvarlegu óréttlæti Enski boltinn Myndasyrpa: Blikar fögnuðu titlinum með aðdáendum Íslenski boltinn Myndaveisla frá Íslandsmeistarafögnuði Blika Fótbolti Fleiri fréttir Ómar Ingi markahæstur í stórsigri Magdeburg Íslendingalið Gummersbach marði botnliðið Sterkur sigur stelpnanna á Selfossi KA enn á botninum eftir tap í Eyjum Haukar unnu Hanana öðru sinni og eru komnir áfram „Til fyrirmyndar hvernig stelpurnar mættu í þennan leik“ Uppgjörið: Ísland - Pólland 30-24 | Frábærar íslenskar stelpur lofa góðu fyrir EM Valsmenn náðu að jafna í lokin Einar Bragi fékk rautt spjald en liðið hans vann Guðmundur Bragi og félagar í stuði í seinni Íslensku landsliðsmennirnir hvíldir eftir átökin í Meistaradeildinni í vikunni Dana Björg leikur fyrsta landsleikinn en Sandra hvílir Afturelding á toppinn og Grótta tapar enn Veszprem vann fyrsta leik Arons en lítið gengur hjá Magdeburg Elvar Örn og Arnar Freyr á toppnum eftir sigur í Íslendingaslag Uppgjörið: HK - ÍR 37-31| HK vann botnslaginn Frækin ferð Kolstad til Ungverjalands „Vel liðið eftir minni eigin sannfæringu og fylgi því“ Vipers stjörnurnar tjá sig: „Þetta hefur verið rússíbani“ Guðmundur stoltur í leikslok í gær: „Þetta var stórkostlegt“ Gummi Gumm og Haukur fögnuðu sigri í einvígum Íslendingaliða Óðinn skoraði mark umferðarinnar með Óðinsskotinu Þórir undrandi á hve slæm staðan var og hlífir leikmönnum „Rými sem þarf að fylla og mér fannst liðið svara því vel“ Melsungen ekki í vandræðum með Val Uppgjörið: FH - Sävehof 34-30 | Frábær seinni hálfleikur skilaði fyrsta Evrópudeildarsigrinum Tvöfölduðu launin á fjórum árum Þakklátir fyrir en sjá á eftir Aroni: „Útskýrði vel fyrir liðinu hvað væri í gangi“ Snorri fagnar ákvörðun Arons: „Mér finnst þetta virðingarvert“ Vipers bjargað frá gjaldþroti Sjá meira