Ritstjórinn og skáldið slást um tímann Gunnþóra Gunnarsdóttir skrifar 13. desember 2018 08:45 "Verkefnið skiptist í tvo efnisþætti, heim ritstjórans og heim skáldsins,“ segir Erlendur. Fréttablaðið/Sigtryggur Ari Það á að frumsýna hina dularfullu mynd Þvert á tímann sem enginn hefur heyrt talað um en tökur hófust á fyrir átján árum,“ segir Erlendur Sveinsson kvikmyndagerðarmaður þegar hann er inntur eftir sögu myndar um Matthías Johannessen, sem frumsýnd verður í Háskólabíói á sunnudaginn klukkan 13.15. Hann segir um bræðralagsmynd þeirra Sigurðar Sverris að ræða og aðeins þessa einu sýningu. „Vinnslan hefur dregist á langinn. Hún hefur átt sína spretti en liðið fyrir vanfjármögnun. Við gerðum mynd um Thor Vilhjálmsson í millitíðinni,“ segir hann og heldur áfram: „Þvert á tímann er heimildarmynd en tekin eftir handriti og Matthías leikur sjálfan sig. Ég vona að hún sé óvenjuleg. Hún er um dag í lífi þessa manns, byrjar bara í draumi næturinnar, eldsnemma morguns og endar nánast undir miðnætti. Ritstjórinn og skáldið slást um tímann. Hugmyndin var að draga upp eins skörp skil og hægt væri milli þeirra tveggja þó svo heimar þeirra tvinnist saman. Myndin gengur samt nærri Matthíasi því við tökum inn hluti í lífi hans í lokin, þegar við brjótumst út úr þessum degi um aldamótin 2000 og skjótumst fram í tímann til 2012.“Hvernig er svo að mynda mann sem er alltaf að skrifa, ýmist Moggann eða ljóð? „Matthías er auðvitað ótrúlegur í andanum. Hann gaf út ljóðabók á árinu og það er ekkert venjulegt fyrir 88 ára gamlan mann. Ég skal segja þér að í þessari mynd er ekki eitt viðtal um Matthías. Mér finnst það vera áskorun okkar kvikmyndagerðarmanna að finna myndrænar leiðir og ekki boðlegt að vera með eintóm viðtöl og álitsgjafa. Það er bara fyrir útvarp.“ Erlendur kveðst þó eiga maraþonviðtal við Matthías á bandi en aðeins lítið brot af því sé notað. Það sé þó mikilvægt brot og notað í lokaatriði myndarinnar. Þar sem tökur hófust árið 2000 speglar myndin aldamótaárið, að sögn Erlendar. „Það er margt að gerast í þjóðfélaginu sem við heyrum um, einkavæðingin, Kaupþing að kaupa í sjálfu sér og alls konar hlutir sem koma við sögu,“ lýsir Erlendur. „Blaðamennirnir sem sjást eru flestir hættir og húsakynni Moggans allt önnur en nú. Þetta er mikið veröld sem var, en skáldið lifir áfram. Það er niðurstaða myndarinnar.“ Birtist í Fréttablaðinu Bíó og sjónvarp Menning Mest lesið „Ég fæ morgnana til að vera bara ég“ Tónlist Tæpur helmingur íbúa hefur séð myndina Bíó og sjónvarp Ógleymanlegt fermingarpils enn í uppáhaldi Tíska og hönnun Fréttatía vikunnar: Hollywood stjörnur, þjóðarréttir og pólitík Lífið Aldrei litið betur út þrátt fyrir alvarlegt slys Lífið Geggjað heimatilbúið „Twix“ Lífið Borðar það sem alltaf hefur verið til og léttist og léttist Lífið „Það er alveg hægt að vinna rifrildið, en þá tapar sambandið“ Makamál Ein lausn er að liggja hlið við hlið og fróa sér Lífið Eignaðist alvöru pungsa með alvöru pungsa Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Það á að frumsýna hina dularfullu mynd Þvert á tímann sem enginn hefur heyrt talað um en tökur hófust á fyrir átján árum,“ segir Erlendur Sveinsson kvikmyndagerðarmaður þegar hann er inntur eftir sögu myndar um Matthías Johannessen, sem frumsýnd verður í Háskólabíói á sunnudaginn klukkan 13.15. Hann segir um bræðralagsmynd þeirra Sigurðar Sverris að ræða og aðeins þessa einu sýningu. „Vinnslan hefur dregist á langinn. Hún hefur átt sína spretti en liðið fyrir vanfjármögnun. Við gerðum mynd um Thor Vilhjálmsson í millitíðinni,“ segir hann og heldur áfram: „Þvert á tímann er heimildarmynd en tekin eftir handriti og Matthías leikur sjálfan sig. Ég vona að hún sé óvenjuleg. Hún er um dag í lífi þessa manns, byrjar bara í draumi næturinnar, eldsnemma morguns og endar nánast undir miðnætti. Ritstjórinn og skáldið slást um tímann. Hugmyndin var að draga upp eins skörp skil og hægt væri milli þeirra tveggja þó svo heimar þeirra tvinnist saman. Myndin gengur samt nærri Matthíasi því við tökum inn hluti í lífi hans í lokin, þegar við brjótumst út úr þessum degi um aldamótin 2000 og skjótumst fram í tímann til 2012.“Hvernig er svo að mynda mann sem er alltaf að skrifa, ýmist Moggann eða ljóð? „Matthías er auðvitað ótrúlegur í andanum. Hann gaf út ljóðabók á árinu og það er ekkert venjulegt fyrir 88 ára gamlan mann. Ég skal segja þér að í þessari mynd er ekki eitt viðtal um Matthías. Mér finnst það vera áskorun okkar kvikmyndagerðarmanna að finna myndrænar leiðir og ekki boðlegt að vera með eintóm viðtöl og álitsgjafa. Það er bara fyrir útvarp.“ Erlendur kveðst þó eiga maraþonviðtal við Matthías á bandi en aðeins lítið brot af því sé notað. Það sé þó mikilvægt brot og notað í lokaatriði myndarinnar. Þar sem tökur hófust árið 2000 speglar myndin aldamótaárið, að sögn Erlendar. „Það er margt að gerast í þjóðfélaginu sem við heyrum um, einkavæðingin, Kaupþing að kaupa í sjálfu sér og alls konar hlutir sem koma við sögu,“ lýsir Erlendur. „Blaðamennirnir sem sjást eru flestir hættir og húsakynni Moggans allt önnur en nú. Þetta er mikið veröld sem var, en skáldið lifir áfram. Það er niðurstaða myndarinnar.“
Birtist í Fréttablaðinu Bíó og sjónvarp Menning Mest lesið „Ég fæ morgnana til að vera bara ég“ Tónlist Tæpur helmingur íbúa hefur séð myndina Bíó og sjónvarp Ógleymanlegt fermingarpils enn í uppáhaldi Tíska og hönnun Fréttatía vikunnar: Hollywood stjörnur, þjóðarréttir og pólitík Lífið Aldrei litið betur út þrátt fyrir alvarlegt slys Lífið Geggjað heimatilbúið „Twix“ Lífið Borðar það sem alltaf hefur verið til og léttist og léttist Lífið „Það er alveg hægt að vinna rifrildið, en þá tapar sambandið“ Makamál Ein lausn er að liggja hlið við hlið og fróa sér Lífið Eignaðist alvöru pungsa með alvöru pungsa Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira