Veiði

Iron Fly hnýtingarkeppni næsta laugardag

Karl Lúðvíksson skrifar
Laugardaginn 1. desember fer fram Iron Fly fluguhnýtingarkeppnin er þar geta allir tekið þátt óháð reynslu.

Iron Fly er fyrst og fremst stemningsviðburður þar sem veiðimenn og fluguhnýtarar hittast og skemmta sér og spjalla. Hápunktur kvöldsins er fluguhnýtingarkeppni þar sem allir geta tekið þátt, óháð reynslu. Það er bara að mæta og ná sæti. Vegleg verðlaun eru í boði, allskonar græjur og veiðileyfi. Keppnin er með mjög óhefðbundnu sniði og þurfa hnýtarar að leysa ýmis skondin vandamál.  Þá verður happdrætti en verðmæti vinninga hleypur á hundruðum þúsunda. Að sjálfsögðu verður Jón á Sólon með góð tilboð á barnum og einnig verður hægt að smakka eitthvað ljúffengt. Alveg tilvalið að kíkja á þetta skemmtilega kvöld og byrja að telja niður dagana í næsta veiðitímabil.







Mest lesið




×

Mest lesið