Ferðamaður með yfirgang og læti handtekinn

Erlendur ferðamaður handtekinn á hóteli í miðbænum um klukkan tvö í nótt. Í dagbók lögreglunnar á höfuðborgarsvæðinu kemur fram að maðurinn hafi komið á hótelið og verið með yfirgang og læti. 

Eftir því sem lögregla kom næst var maðurinn með herbergi á öðru hóteli en neitaði að segja hvaða hótel það var. Var hann færður í fangamóttöku þar sem rætt var við hann, en hann neitaði að segja hvar hann gisti og neitaði að yfirgefa lögreglustöðina. Var því vistaður í fangageymslu þar til af honum rennur.