Gengi hlutabréfa Icelandair hafa hækkað í Kauphöll Íslands eftir að opnað var fyrir viðskipti í morgun. Hækkunin nemur 8,4 prósentum þegar þetta er skrifað en flugfélagið birti ársfjórðungsuppgjör í gær.
Icelandair hagnaðist um 62 milljónir Bandaríkjadala á síðasta ársfjórðungi sem nemur rúmum sjö milljörðum íslenskra króna. Hann dróst þó saman um 62 prósent frá því á sama tíma í fyrra.
Þá hefur flugfélagið óskað eftir undanþágu frá fjárhagslegum skilyrðum er varða tiltekin skuldabréf félagsins upp á um 26 milljarða íslenskra króna.
