Guðni Eiríksson ráðinn þjálfari kvennaliðs FH

Guðni Eiríksson hefur verið ráðinn þjálfari kvennaliðs FH í fótbolta.



Guðni þekkir vel til hjá FH en hann var aðstoðarþjálfari kvennaliðsins árin 2015 og 2016 en FH liðið komst upp úr 1. deildinni í Pepsi-deildina árið 2015.



FH endaði í neðsta sæti Pepsi-deildar kvenna í sumar og mun því leika í Inkasso-deildinni næsta sumar.



"Ég þekki vel til meistaraflokks kvenna hjá FH eftir að hafa verið aðstoðarþjálfari þar í tvö ár og veit að þar er góður efniviður til staðar. Við stefnum að sjálfsögðu að því að fara beint aftur upp í Pepsí deildina og ég hef fulla trú á því að verðum með mannskap næsta sumar sem gerir tilkall að Pepsí deildar sæti. Ég er fullur tilhlökkunar fyrir verkefninu en núna fer á fullt undirbúningur fyrir næsta keppnistímabil," sagði Guðni.