Körfuboltakvöld: Jebb Ivey gaf Guðmundi koss

Fyrsta umferðin í Dominos-deild karla fór fram í vikunni og umferðin var gerð upp í Domino’s Körfuboltakvöldi á Stöð 2 Sport í gærkvöldi.

Njarðvík vann virkilega öflugan sigur á Keflavík í Suðurnesjaslag í gærkvöldi og þar var Jeb Ivey að spila sinn fyrsta leik í endurkomunni til Íslands.

„Hann finnur alla á hárréttum tíma,” sagði Hermann Hauksson, annar sérfræðigur þáttarins, áður en hinn, Fannar Ólafsson, tók við:

„Hörður Axel tekur skot er fimmtán sekúndur eru eftir af klukkunni en hvað gerist hinu megin? Bíður, bíður og kemur boltanum á réttan stað. Svo þarftu að sjá hvort að boltinn fari niður eða ekki.”

Skemmtilegt atvik gerðist í fjórða leikhluta er Jebb Ivey ákvað að kyssa hendina á Guðmundi Jónssyni.

„Gummi hefur ekki fýlað þetta. Bless, vinur. Ekki vera að kyssa,” sagði Fannar.

Innslagið má sjá hér að neðan.