Alvarlegt slys þegar bíll fór í Steinsholtsá

Birgir Olgeirsson skrifar 31. ágúst 2018 16:30

Steinholtsjökull og Steinholtsá. Vísir/Vilhelm

Alvarlegt slys varð um hálfþrjúleytið í dag þegar bíll fór í Steinsholtsá við Þórsmörk. Lögregla, björgunarsveitir, sjúkralið og þyrla Landhelgisgæslunnar eru á vettvangi ásamt skálavörðum í Þórsmörk.

Tveir erlendir ferðamenn voru í bifreiðinni og er búið að ná þeim báðum í land. Lögreglan segir ekki er unnt að veita frekari upplýsingar um líðan þeirra á þessari stundu þar sem enn er unnið á vettvangi.

Reglulega gerist það að bílar lenda í vandræðum með að þvera ána sem getur verið straumhörð og vatnsmikil.

Slysið varð í Steinsholtsá á Þórsmerkurleið.Landakort ehf

Ferðamennska á Íslandi

Tengdar fréttir

Fór yfir Steinsholtsá

Fyrsti breytti torfærujeppinn komst yfir Steinsholtsá á Þórsmerkurleið á tíunda tímanum í morgun, en áin verður ófær óbreyttum jeppum eitthvað fram yfir hádegi, að minnsta kosti, að sögn kunnugra.

27. september 2010 09:55

Rúta sat föst í Steinsholtsá

Fimmtán farþegar sátu fastir í rútu í Steinholtsá á Þórsmerkurleið í morgun.

25. júlí 2014 11:44

Björgunarafrekið við Steinsholtsá - myndir

Björgunarsveitamenn á Suðurlandi unnu frækilegt afrek þegar þeir komu þremur mönnum til bjargar í Steinsholtsá í Þórsmörk í gærkvöldi. Svæðisstjóri björgunarsveita á Suðurlandi sem var á vettvangi segir að einn mannanna hafi hangið utan á bifreið mannanna sem sat föst úti í miðri á.

13. desember 2009 12:32