Rekinn úr flugi og segir flugfélagið vera rasískt

Rapparinn YG var rekinn úr flugi American Airlines fyrir ölvun í morgun og birti í kjölfarið myndband af sér á Twitter þar sem hann ásakar flugfélagið um rasisma.

„Þau ráku mig úr fluginu, þau sögðu að ég væri fullur, ég er eins edrú og hægt er að vera“ segir YG í myndbandinu.

Fuck @AmericanAir THEY RACIST pic.twitter.com/JshmySUa0k

— STAY DANGEROUS (@YG) August 14, 2018

YG er einn vinsælasti rappari Bandaríkjanna og er hann ekki þekktur fyrir að sitja á skoðunum sínum. Eitt vinsælasta lag hans heitir meðal FDT, sem er skammstöfun á: „Fuck Donald Trump.“

American Airlines svaraði rapparanum á Twitter og segja að „í okkar menningu eiga samskipti við viðskiptavini eða starfsmenn að einkennast af gagnkvæmri virðingu“ og biðja hann um að hafa samband í einkaskilaboðum.

In our culture, every interaction with a customer or team member should be grounded in respect. Please meet us in DMs with more info.

— American Airlines (@AmericanAir) August 14, 2018