Rúrik gestur Sumarmessunnar í kvöld

Rúrik Gíslason, leikmaður íslenska landsliðsins í fótbolta, verður gestur í Sumarmessunni á Stöð 2 Sport í kvöld þar sem farið verður yfir undanúrslitaleik Frakklands og Belgíu.

Sumarmessan er á dagskrá á Stöð 2 Sport klukkan 21:00 að kvöldi hvers leikdags á HM þar sem Benedikt Valsson og Hjörvar Hafliðason fá til sín góða gesti.

Í kvöld er félagsskapurinn ekki af verri gerðinni, landsliðsmaðurinn Rúrik Gíslason sem stal mörgum fyrirsögnunum í kringum HM vegna skyndilegrar Instagram frægðar sinnar.

Þá verður Gunnleifur Gunnleifsson, markmaður Breiðabliks, einnig í setti Sumarmessunnar í kvöld.

Frakkland og Belgía mætast í fyrri undanúrslitaleik HM í kvöld og verður sá leikur ræddur í þaula ásamt þess sem strákarnir munu án efa ræða íslenska liðið með landsliðsmanninn í settinu.

Rúrik Gíslason verður gestur Sumarmessunar í kvöld. pic.twitter.com/l8y96cbqp7

— Hjörvar Hafliðason (@hjorvarhaflida) July 10, 2018