Dagný gæti snúið aftur í Pepsi deildina

Landsliðskonan Dagný Brynjarsdóttir á í viðræðum við Selfoss um að spila með liðinu í Pepsi deild kvenna. Þetta kemur fram á vef Fréttablaðsins.

Dagný er án samnings og er að hefja æfingar eftir barnsburð, en hún átti sitt fyrsta barn í júní. Dagný hefur spilað með bandaríska liðinu Portland Thorns síðustu tvö ár en samningur hennar við liðið var laus eftir síðasta tímabil. Endurnýjun hans var slegið á frest eftir að ljóst væri að hún væri ólétt þar sem óljóst var hversu mikið Dagný gæti tekið þátt.

Dagný er uppalinn Sunnlendingur og spilaði með liði Selfoss árin 2014 og 2015.

Selfoss er nýliði í Pepsi deildinni þetta árið og eftir fyrri umferðina eru Selfyssingar í áttunda sæti, tveimur stigum frá fallsæti. Þær mæta Val fyrir austan fjall á miðvikudaginn.