Hertogaynjurnar fylgdust með Wimbledon

Svilkonurnar Kate Middleton, hertogaynja af Cambridge og Meghan Markle, hertogaynja af Sussex, fylgdust saman með úrslitaleik kvenna á Wimbledon-mótinu í dag.

Fyrir leik heilsuðu hertogaynjurnar upp á boltasækjara mótsins, yngri keppendur mótsins sem og keppendur í hjólastólum.

  

Their Royal Highnesses met ball boys and girls, wheelchair competitors and junior players prior to the start of play #Wimbledonpic.twitter.com/xhA15srJCQ

— Kensington Palace (@KensingtonRoyal) 14 July 2018

Hertogaynjurnar virtust skemmta sér vel á úrslitaleiknum. Serena Williams, vinkona Markle til margra ára, lék til úrslita en það var andstæðingur Williams, Angelique Kerber, sem bar sigur úr býtum.

Þetta er fyrsta opinbera heimsókn þeirra tveggja saman eftir að Markle gekk að eiga Harry Bretaprins þann 19. maí síðastliðinn.