Ríkisstjórnin fundar að Langaholti í Snæfellsbæ

Ríkisstjórnin mun funda að Langaholti í Snæfellsbæ í dag, mánudaginn 16. júlí. Í tilkynningu á vef stjórnarráðsins segir að að loknum fundinum muni ríkisstjórnin funda með fulltrúum sveitarstjórna á Vesturlandi.

Á þeim fundi verður meðal annars farið yfir áherslur ríkisstjórnarinnar í stjórnarsáttmálanum og mál sem rædd voru á ríkisstjórnarfundinum og tengjast byggðamálum. Þá munu fulltrúar sveitarstjórna á svæðinu fara yfir stöðu mála og kynna sín helstu áherslumál.

Í kjölfarið verður haldinn blaðamannafundur sem er áætlað að hefjist klukkan 14:30.