Svona líta 8-liða úrslitin út

Englendingar urðu síðasta liðið til þess að tryggja sig áfram í 8-liða úrslit HM í Rússlandi með sigri á Kólumbíu í vítaspyrnukeppni í kvöld. Nú er því ljóst hvernig 8-liða úrslitin verða.

Það var ljóst fyrir fram hvernig niðurröðunin yrði því ekki er dregið í viðureignir heldur eru þær allar fyrirfram skipulagðar.

Á föstudaginn fara fram tveir stórleikir en á laugardag eru leikir sem eru á pappírnum kannski ekki eins spennandi.

Föstudagur 6. júlí:

14:00 Úrúgvæ - Frakkland

18:00 Brasilía - Belgía

Laugardagur 7. júlí:

14:00 Svíþjóð - England

18:00 Rússland - Króatía