Lögðu bann við vinnu á þaki nýbyggingar í Hveragerði

Vinnueftirlitið hefur bannað alla vinnu á og við þak nýbyggingar við Dalsbrún 21 til 23 í Hveragerði. Gerir Vinnueftirlitið það vegna þess að það telur lífi og heilbrigði verkamanna við nýbygginguna ógnað vegna skorts á fallvörnum og öruggum umferðarleiðum upp á þakið.

Kom þetta í ljós við eftirlitsskoðun starfsmanna Vinnueftirlitsins en í tilkynningu kemur fram að ekki megi hefja vinnu þar á nýt fyrr en búið er að tryggja öryggi starfsmanna við verkið og Vinnueftirlitið hefur leyft vinnu þar á ný.