Elliðaárnar opna í fyrramálið

Opnun Elliðaánna verður í fyrramálið 20. Júní og opnar áin eins og venja er klukkan 07:00 af Reykvíkingi ársins.

Borgarstjóri Reykjavíkur Dagur B. Eggertsson ásamt Formanni borgarráðs Þórdísi Lóu Þórhallsdóttur renna síðan fyrir lax í kjölfarið.  Opnun ánna verður með hefðbundnum hætti og æskilegt er að mæta við veiðihúsið við árnar laust fyrir klukkan 7 að morgni opnunardagsins, þar sem tekið verður á móti gestum.  Nokkuð af laxi er þegar gengin í Elliðaárnar og það má því jafnvel reikna með að það verði líf og fjör við bakkann í fyrramálið.  Þeir veiðistaðir sem jafnan gefa fyrsta laxinn eru yfirleitt Breiðan og Fossinn en það er líka töluvert af laxi í Teljarastreng og í Efri Móhyl svo það verður spennandi að sjá hvaðan sá fyrsti kemur upp en að venju er þetta líklega sá lax sem er sá mest myndaði á hverju ári.